Ayub 33:17 - MUMA MALER 2015

¹⁷ Nyasaye wuoyonigi mondo giwe timo richo, kendo mondo kik gibed joma sungore.

Motingʼo Loko Manyien

¹⁷ otimo kamano mondo olok dhano owe timbene maricho kendo ogengʼ dhano kik sungre,

Ayub 33:17 ပူးပေါင်းရင်းမြစ်များ

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Chakruok 20:6

Nyasaye nodwoke niya, “Ee, ang’eyo ni isetimo kamano kikia. Kuom mano ne ok ayie mondo iriwri kode, mi iketh e nyima.

2 Weche mag Ndalo 32:25

To Hezekia ne ok odwoko erokamano marom gi ber mane otimne, to nodoko jasunga. Emomiyo Ruoth Nyasaye nokecho kode kaachiel gi jo-Juda kod jo-Jerusalem.

Ayub 17:11

Ndalona oserumo, kendo chenona duto osekethore, bende koro onge gima ageno.

Ayub 33:16

Nyasaye miyo giwinjo gik ma owacho, kendo luoro makogi ka giwinjo kaka osiemogi.

Ayub 33:18

Nyasaye ok nowe girum, to oresogi e lak tho hie hie.

Eklesiastes 8:6

nimar nitie yo maber kod kinde maber monego timie gimoro amora, to gima chandowa en mana ni wan ok wang’eyo.

Isaya 2:11

nimar ndalo biro ma sunga ma dhano sungorego nodwok piny, to Ruoth Nyasaye kende ema noting’ malo.

Isaya 23:9

Ruoth Nyasaye manyalo Gik Moko Duto ema osechano kelo masirano mondo otiek sunga mar joma ogen, kendo okel achaya kuom ji duto moluor ahinya e piny.

Hosea 2:6

“Kuom mano yo mokadhoe abiro dino gi kudho, kendo abiro gero ohinga ogeng’ yo moluwo, mondo kik ochak oluw yorene machon.

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

2 Jo-Korintho 12:7

Emomiyo ne omiya kudho machwowo ringra, ma en jaote mar Satan, mondo omonja kik asungra, kata kik ating’ra malo nikech duong’ miwuoro mar gik mane Nyasaye ofwenyona.

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

Jakobo 4:10

Bolreuru e nyim Nyasaye, eka enoting’u malo.