Ayub 31:32 - MUMA MALER 2015

³² Jowuoth bende aserwako e dalana, kendo pok aweyo ginindo e yo.

Motingʼo Loko Manyien

³² to adier, onge ngʼama wendo mosenindo oko e laru, nikech dho oda nosiko koyaw ne jawuoth.

Ayub 31:32 ပူးပေါင်းရင်းမြစ်များ

Ayub 29:16

to jochan ne abedonigi ka wuon-gi, kendo ne adok ni jodak ka ni e chandruok.

Ayub 31:31

Ji duto matiyona ong’eyo malong’o ni pile asebedo ka arwako welo.

Ayub 31:33

Ji moko temo pando richogi, an to pok apando maga.

Isaya 58:7

Koso donge en ni mondo upog chiembu ni joma kech ohewo, kendo urwak joma odhier, ma onge kuonde dak, e miechu, bende umi joma wuotho duk lewni, kendo kik upand wang’u ni wedeu?

Mathayo 25:35

nikech ka ne kech kaya, to ne umiya chiemo, kendo kane riyo oloya, to ne umiya pi amodho, bende kane an wendo, to ne urwaka,

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Jo-Rumi 12:13

Poguru giu ni jo-Nyasaye modhier, kendo beduru joma ohero rwako welo.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

Jo-Hibrania 13:2

Kik uwe mak urwako welo e miechu, nikech rwako welo nomiyo jomoko opo mana korwako malaika!

1 Petro 4:9

Rwakuru joweteu ma ok ung’ur.

Jong’ad Bura 19:15

Ne gibaro, mi gidonjo e dalano mondo gibworie, to ne gibet mana e laru manie dier dala, nikech onge ng’ama norwakogi mondo ginind e ode.

Jong’ad Bura 19:17

Noting’o wang’e moneno ng’at ma jawuothno, mi nopenje kuma oaye kendo kuma odhiye.