Ayub 31:27 - MUMA MALER 2015

²⁷ Adier, paro mar timo kamano pok odonjo e chunya.

Motingʼo Loko Manyien

²⁷ mi dipo chunya nogombo lingʼ-lingʼ kendo ne atingʼonegi bada ka agombo lamogi,

Ayub 31:27 ပူးပေါင်းရင်းမြစ်များ

1 Ruodhi 19:18

To abiro weyo ji alufu abiriyo kangima, mana jogo duto ma pok ogoyo chongegi piny ni Baal, kendo ma pok onyodhe.”

Ayub 31:26

bende pok aselamo wang’ chieng’ mang’angnini, kata mana due marieny maberni pok alamo.

Ayub 31:28

Richo ma kamano ikumo gi tho, nimar okwedo Nyasaye Manyalo Gik Moko Duto.

Zaburi 2:12

kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Hosea 13:2

To eka pod gimedo timo atima richo, kendo giloso kido mag fedha mondo gilam. Gikawo fedha ma gin-go, kendo gilosogo kido manono, ma dhano ema oparo, moloso gi lwete owuon. To bang’e giwacho niya, “Timnigiuru misengni.” To ere kaka ji nyalo nyodho kido manonogo, mana kido molos e kit rwath?

Jo-Rumi 1:21

Kata obedo ni ji nong’eyo Nyasaye, to ne ok gidwar mana miye duong’, kata goyone erokamano moromogo. Kar timo kamano, to parogi nokethore, kendo chunygi maonge rieko, mudho opong’o.

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Rapar mar Chik 11:16

To ritreuru mondo kik ulal, mi uti ni nyiseche mamoko kendo ulamgi.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.