Ayub 31:26 - MUMA MALER 2015

²⁶ bende pok aselamo wang’ chieng’ mang’angnini, kata mana due marieny maberni pok alamo.

Motingʼo Loko Manyien

²⁶ kapo ni ne achomo wangʼa e ler mar wangʼ chiengʼ kata ka dwe ringo e tekone mos,

Ayub 31:26 ပူးပေါင်းရင်းမြစ်များ

2 Ruodhi 23:11

Nogolo kido mag farese mane ruodhi mag Juda oseketo ni wang’chieng’.

2 Ruodhi 23:5

Nogolo jodolo mag nyiseche manono mane ruodhi mag Juda oketo mondo owang’ ubani e hembko mag miech Juda, kod mag gwenge mokiewo kod Jerusalem, kendo nogolo joma ne wang’o ubani ni Baal gi wang’chieng’ gi due kod sulue duto.

Ayub 25:5

Ka Nyasaye ok kwan kata mana due ka gima rieny ahinya, kendo ka ok okwan sulue ka gik maler adier,

Ayub 31:27

Adier, paro mar timo kamano pok odonjo e chunya.

Wer Mamit 6:10

Ma to ng’a, ma pilore ka wang’chieng’ni? Adier, ojaber mana ka due, kendo ong’ang’ni mana ka wang’chieng’! Ka anene to agamo yueyo agama mana kaka agamo yueyo kaneno gik pologo.

Jeremia 44:17

Wabiro timo gik moko duto ma wasesingore ni watimo. Wabiro timo misengni ni nyasaye madhako miluongo ni Ruodh Polo, kendo wabiro chiwone misengni miolo piny, mana kaka wan gi kwerewa gi ruodhwa kod jotendwa ne watimo e miech Juda kendo e yore mag Jerusalem. E ndalono ne wan gi chiemo mogundho, kendo ne wadhi nyime maber maonge chandruok moro.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Rapar mar Chik 11:16

To ritreuru mondo kik ulal, mi uti ni nyiseche mamoko kendo ulamgi.

Rapar mar Chik 17:3

kolamo kendo okulore ni nyiseche mamoko, kata ni wang’chieng kata ni due kata ni gimoro amora manie kor polo,

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.