Ayub 30:1 - MUMA MALER 2015

¹ “To tinde koda ka joma tindo jara. Wuonegi to joma nono, mane ok nyal yienigi kata mana konyo guogi rito jamba.

Motingʼo Loko Manyien

¹ “To sani koro gijara, kata obedo ni gin jomatindo ahinya kuoma, ma kata mana wuonegi ne ok anyal yienegi kata mana konyo guogi rito jamba.

Ayub 30:1 ပူးပေါင်းရင်းမြစ်များ

2 Ruodhi 2:23

Elisha noa kuno, modhi Bethel to kane pod enie yo koidho thur, rawere moko nowuok e dalano, monyiere, ka giyanye ni, “Rabondoni, dhi adhiya! Rabondoni, dhi adhiya!”

Ayub 12:4

Koda ka osiepena nyiera anyiera, kata obedo ni an ng’at makare kendo ma onge ketho, to chon an ema ne Nyasaye dwoko lemona.

Ayub 30:2

Ne gin joma tekregi oserumo, kendo manyap, ma ok nyal timona gimoro.

Zaburi 119:51

Josunga osebutona ahinya, to pok aleng’ora maweyo chikni.

Zaburi 69:12

Gikuodha e dala, kamoro amora ma giwuothoe kendo jomer chuogona wer ma gijarago.

Isaya 3:5

Ji nosandre kendgi giwegi, ka ng’ato ka ng’ato dhaw mana gi wadgi, to nyithindo bende yanyo joma dongo, kendo ji ajia chayo joma ogen.

Mariko 14:65

Jomoko kuomgi nochako ng’ulo kuome olawo, bende ne giumo wang’e kendo gigoye adhong’, ka giwachone ni, “Hul ane ng’ama ogoyi!” Jorit bende nokawe mogoye.

Luka 23:14

mi owachonigi niya, “Nende ukelona jali ni en ng’at maketho oganda, to asenone e nyimu, kendo ok ayudo ni en gi ketho mudonjonegogi.

Luka 23:18

To oganda ji duto nokok ni, “Neg ng’atni, to gonynwa Baraba!”

Luka 23:35

To ji mang’eny ne ni kanyo, kaneno gima timore, kendo jodong jo-Yahudi nonyiere, kawacho ni, “Noreso jomoko, omiyo ka en e Mesia ma Nyasaye oseyiero adier, to mondo oresre ane!”

Luka 23:39

Achiel kuom joketho mane ogur kanyogo nogoyo ni Yesu siboi, kawachone ni, “Donge in e Mesia? Ara, resri ane, kendo ireswa wan bende!”

Tich Joote 17:5

To nyiego nomako jo-Yahudi, mi gidhi giwako jomoko ma acheje mabayo abaya e wang’ yore, mi ochoko oganda maduong’. Kamano ne gimiyo dala duto otimo koko, kendo ne gimuomore e od ng’at moro ma nyinge Jason, ka gidwaro golo Paulo gi Sila oko ir ji.

Tito 1:12

Janabi moro ma ja Krete wadgi nowacho niya, “Pile jo-Krete gin jomriambo. Gin ondiegi maricho, kendo jowuoro ma josamuoyo.”