Ayub 3:8 - MUMA MALER 2015

⁸ Ajuoke mondo okuong’ odiechiengno. Ee, mana joma olony kuom golo chik ni Levayathan, mi winjgi, ema mondo okuong’e!

Motingʼo Loko Manyien

⁸ Mad joma kwongʼo odiechienge okwongʼ odiechiengno, ma gin jogo molony gi luongo le manie nam miluongo ni Leviathan mawuogi.

Ayub 3:8 ပူးပေါင်းရင်းမြစ်များ

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

Ayub 3:7

Otienono obed otieno ma ok makie ich nyathi, kendo ma koko mar mor ok winjie.

Ayub 3:9

Otienono kik lokre odiechieng’, kendo sulue mar okinyi kik rieny, kata ng’amba bende kik ng’ol.

Ayub 41:1

“Bende inyalo mako nyang’ gi olowu, kata tueyo lewe gi tol?

Ayub 41:10

Ka ng’ato okwinye, to oger malich, kendo onge ng’at ma dihedhre chung’ e nyime.

Ayub 41:25

Ka oa malo, to koda ka joma rateke luoro mako. Ee, kibaji goyogi nyang’eng’o.

Isaya 27:1

Chieng’no Ruoth Nyasaye nokaw liganglane mabith kendo motegno, mi oneggo Levayathan, kod thuol malich kendo manudore, modak e nam.

Amos 5:16

Kuom mano, Ruoth Nyasaye Manyalo Gik Moko Duto wacho kama: “Ywak biro bet e yore duto mag dala, kendo kuonde duto ji nobed kaywakie, ma kata mana jopur noluong mondo oywagi kaachiel gi joma ong’eyo wende ywak.

Mathayo 11:17

‘Nende wagoyonu thum, to ne utamoru miel. Bende ka nende wagoyonu nduru, to ne udagi ywak.’

Mariko 5:38

Ne gichopo e od jaduong’ od lemo, mi Yesu noyudo ka ji kok kendo ywak, ka goyo nduru malich.