Ayub 3:14 - MUMA MALER 2015

¹⁴ kanindo kaachiel gi ruodhi kod jodonggi mosetho mane ogero udi madongo mabeyo.

Motingʼo Loko Manyien

¹⁴ gi ruodhi kaachiel gi jongʼad rieko mag piny, mane ogero kuondegi madongo mag dak matinde olokore gundni,

Ayub 3:14 ပူးပေါင်းရင်းမြစ်များ

1 Ruodhi 11:43

Solomon notho, moyike e dala Daudi wuon mare. Rehoboam wuode nodoko ruoth kare.

1 Ruodhi 2:10

Kamano Daudi notho, moluwo kwerene, kendo noyike Jerusalem.

Ayub 12:17

Oketho rieko mag jotelo, kendo omayo jong’ad bura paro.

Ayub 12:18

Oriembo ruodhi, kendo oketogi e tuech.

Ayub 15:28

En ng’at mane omako mier madongo e lweny, kendo okawo udi mane wegi osedarie, to kata kamano lweny biro ketho miergo gi udigo chuth.

Ayub 30:23

Ang’eyo ni idwaro tera e tho, kuma ji duto ochomo.

Zaburi 49:14

Gimwomore e tho ka rombe, kendo tho nogono ema biro bedo jakwadhgi. Joma kare nogonigi siboi gokinyi, ka ringregi top e Piny Joma Otho, kuma bor gi pinygi.

Zaburi 89:48

Ere ng’ama nyalo dak nyaka chieng’, mak otho? Koso en ng’a ma disir tho, mak odhi e liel?

Eklesiastes 8:8

Onge ng’ama nyalo geng’o tho mondo kik nege, kata ng’ama nyalo chwalo chieng’ thone nyime. Ka lweny owuok, to onge tony! Onge gima wanyalo timo mi wakwo.

Isaya 14:18

Ruodhi mag ogendini yueyo e lietegi molos malich,

Isaya 22:16

‘Ere gima itimo ka, koso ere wadu man ka, momiyo isekunyo bur mibiro yikie kae? Chutho, ang’o momiyo ikunyo bur malo e lwanda, mondo obed liel ma ringri biro yueyoe?

Isaya 5:8

Yaye, unune malit un joma medo gero udi agera, kendo ma medo yaro puothe ayara nyaka piny pong’ thich, mi udong’ kukwako piny!

Isaya 58:12

“Nyithindu munywolo nochak oger kuonde ma nodong’ gundni mana ewi mise machon, mi noluongu ni, joger ohinga momukore, kendo ni, jolos udi mane okethi.”

Ezekiel 26:20

Abiro teri e piny joma otho, mondo ibed gi joma notho chon. Anami idag e piny manie bwo lowono, kibudho e bur matut e kind gik machon mokethore, mi ok nichak iduog e piny joma ngima.