Ayub 29:5 - MUMA MALER 2015

⁵ Nyasaye Manyalo Gik Moko Duto ne ni koda ndalogo, kendo nyithinda duto ne oketa diere.

Motingʼo Loko Manyien

⁵ ma en ndalono ma Jehova Nyasaye Maratego ne pod ni koda kendo nyithinda noketa diere,

Ayub 29:5 ပူးပေါင်းရင်းမြစ်များ

Ayub 23:3

Mad bed ni ang’eyo kuma dayudie Nyasaye, kendo ni ang’eyo kaka dadhi ire,

Ayub 29:4

E ndalogo ne adhi maber nikech Nyasaye norito dalana gi herane.

Ayub 29:6

Jamba ne golo chak mang’eny, kendo yienda mag zeituni ne nyak maber, kata mana kuonde motimo kite manade.

Zaburi 128:3

Chiegi nochal gi yadh mzabibu manyago olemo mang’eny e dalani, kendo e sa ma yawuoti olworo mesa ka chiemo, to ginichal gi yiend zeituni maloth.

Zaburi 30:7

A Ruoth Nyasaye, in ibedona mang’won, kendo iserita mana ka ng’ama odak kama ochiel motegno e got. To kane ipandona wang’i, luoro ne omaka ahinya.

Zaburi 43:2

In e Nyasaye ma lwandana, to ere gima omiyo koro ijwang’a? Koso ang’o momiyo onego abed kakuyo mana nikech wasika?

Ngeche 17:6

Jodongo mor gi nyikwagi, mana kaka yawuowi mor gi wuonegi.

Wer Mamit 2:4

Ne itera e odi mar chiemo, mi iliero bandech hera kuoma.

Jeremia 14:8

To in kendi ema jo-Israel ogeno kuomi, nimar in ema iresowa ka wanie chandruok. Ere gima omiyo ichalo wendo e pinywa ma bworo kuom otieno achiel kende?

Mathayo 9:15

Yesu nodwokogi niya, “Uparo ni wend kisera nyalo bedo mokuyo, ka wuon kisera pod ni kodgi? Ngang’! Mano ok nyalre! To ndalo biro ma nogolie wuon kisera kuomgi, eka ginitue chiemo.

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”