Ayub 28:12 - MUMA MALER 2015

¹² Koro rieko to iyudo kanye? Koso ere kuma ng’eyo wuokie?

Motingʼo Loko Manyien

¹² “To rieko to diyud kanye? Koso ere kuma ngʼeyo wuokie?

Ayub 28:12 ပူးပေါင်းရင်းမြစ်များ

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

Ayub 28:11

Gikunyo nyaka gichop kuonde ma aore ochakoree, ma gigol oko gik mopondo.

Ayub 28:20

Koro rieko to iyudo kanye? Koso ere kuma ng’eyo wuokie?

Ayub 28:23

Nyasaye kende ema ong’eyo yo madhi e rieko. Ee, mana en ema ong’eyo kuma iyudee,

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Zaburi 51:6

To chuny man gi adiera ema idwaro, omiyo pong’ parona gi riekoni.

Ngeche 3:19

Ruoth Nyasaye nochueyo piny gi riekone, kendo ne oketo polo kare kuom ng’eyo ma en go.

Eklesiastes 7:11

Rieko ber moloyo mwandu, kendo okonyo joma ngima duto man kode.

Jo-Kolosai 2:3

En ema mwandu duto mag rieko kod ng’eyo opand kuome.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.