Ayub 27:9 - MUMA MALER 2015

⁹ Koso Nyasaye diwinj ywakgi ka chandruok omakogi?

Motingʼo Loko Manyien

⁹ Bende Nyasaye chiko ite ne ywakne ka masira obirone?

Ayub 27:9 ပူးပေါင်းရင်းမြစ်များ

Zaburi 109:7

Koseyale, to onego oyude gi ketho, kendo mad kwan kata mana lemone ka ketho!

Zaburi 18:41

Ne giywak ni mondo okonygi, to onge ng’ama ne nyalo resogi. Ne giywak ni Ruoth Nyasaye to ne ok odwokogi.

Zaburi 18:42

Ne aregogi mayom mana ka buru ma yamo tero, mi anyonogi ka chuodho.

Zaburi 66:18

Ka dine bed ni richo mitna, to Ruoth Nyasaye dine ok owinja.

Ngeche 1:27

Ee, anajaru ajara ka masira obiro kuomu ka koth maduong’, mokelonu thagruok gi rem malit.

Ngeche 1:28

E kinde ma un e thagruok kamano, unuluonga to ok anaduoku, bende unumanya kuonde duto, to ok unuyuda kamoro amora!

Ngeche 28:9

Ka ng’ato ok orito chik, to kata mana lemone Nyasaye mon-go.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Jeremia 11:11

Kuom mano an Ruoth Nyasaye asiemogi ni abiro kelo masira kuomgi kendo onge ng’at ma notony. To kata ka giywak mondo akonygi, to ok nadewgi.

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Ezekiel 8:18

Abiro kumogi gi mirimba mager, ka ok ang’wononigi, kata ka ok akechogi. Kata da bed ni gilama matek manade, to ok anadewgi.”

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Mika 3:4

Kinde biro ma unuywagie ni Ruoth Nyasaye, to ok nodwoku, kata mana winjo lemou ok nowinji, nikech timbe maricho musetimo.

Zekaria 7:13

Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

Luka 13:25

Jaduong’ ot biro chung’, mi lor dhoot, to bang’ mano, kuchung’ oko mi udwong’o kuwacho ni, ‘Jaduong’, yawnwa’, to nodwoku ni, ‘Ok ang’eyou! Ua kanye?’

Johana 9:31

Wang’eyo ni Nyasaye ok winj wach joricho, to ng’at moluore, kendo matimo gik ma odwaro, ema owinjo.

Rapar mar Chik 1:45

Bang’ mano nuduogo, muywak e nyim Ruoth Nyasaye, to ne ok onyal winjo ywaku, kendo ne ok onyal dewou.

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.