Ayub 27:2 - MUMA MALER 2015

² “Akuong’ora e nyim Nyasaye Mangima Manyalo Gik moko Duto, motamore ng’adona bura makare, kendo mosemiyo chunya obedo malit,

Motingʼo Loko Manyien

² “Akwongʼora gi nying Jehova Nyasaye Maratego mosetamore ngʼadona bura makare, kendo mosemiyo chunya obedo malit,

Ayub 27:2 ပူးပေါင်းရင်းမြစ်များ

2 Samuel 2:27

Joab nodwoke niya, “Gi nying Ruoth Nyasaye ka da ok iwuoyo, da ok giweyo lawo jowetegi nyaka piny oru!”

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 18:15

To Elija nodwoke niya, “Gi nying Ruoth Nyasaye Manyalo Gik Moko Duto, ma Nyasacha ma atiyone, akuong’ora ni abiro nene kawuono.”

2 Ruodhi 4:27

Kane ochopo e got, nodhi ir ng’at Nyasaye, momako tiende, Gehazi nosudo mondo ogole, to ng’at Nyasaye nowachone niya, “Weye, nimar chunye chandore malit, to Ruoth Nyasaye osepandona wachne, mak onyisa.”

Ayub 10:3

Bende en gima ber kibedo makwiny, kendo kijaro gima in iwuon ema ichueyo? To eka ibuonjo kineno rieko ma joma richo ng’ado!

Ayub 16:11

Nyasaye osejwang’a e lwet joma timbegi richo.

Ayub 19:6

To Nyasaye ema oseng’adona bura ma ok ni kare, kendo en ema ochikona obadho mondo amokie!

Ayub 23:16

Nyasaye Ma Nyalo Gik Moko Duto oseketho chir mane an-go. En mana Nyasaye ema miya luoro, to ok mudho, kata obedo ni mudho dino wang’a kamano.

Ayub 34:5

Ayub wacho ni oonge gi ketho, kendo ni Nyasaye odagi timone adiera.

Ayub 35:2

“Ayub, en miriambo wacho ni ionge gi ketho e nyim Nyasaye,

Ayub 40:8

In itemo nyiso ni bura ma aseng’ado ok ni kare? Koso idwaro nyiso ni an ema aseketho, mondo in ineri ka ng’ama ni kare?

Ayub 9:17

Okuma malit kuom gima onge ndhathe, kendo omedo goya kayiem.

Ayub 9:18

Ok onyal weyo ayue, to otimona mana gik ma miyo chunya lit.

Isaya 40:27

Un jo-Israel ma nyikwa Jakobo, ere gima omiyo ung’ur, kuwacho niya, “Ruoth Nyasaye ok ne yorewa, kendo ok ong’adnwa bura maber”?

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Jeremia 5:2

Kata ka ukuong’oru gi nying Ruoth Nyasaye, to ukuong’oru mana gi miriambo.

Ezekiel 33:11

To nyisgi ni an Ruoth Nyasaye akuong’ora ni ok berna ka ng’at ma timbene richo tho, to abedo mamor mana ka oweyo timbene maricho, mobedo mangima. Un jo-Israel, weuru timbeu maricho! Adier, wegiuru! Ere gima omiyo udwaro ni mondo utho!

Kwan 14:21

To kaka antie, kendo kaka duong’na nopong’ piny duto,

Ruth 3:13

Bed ka gotienoni, to kiny gokinyi, ka jalo nyalo timoni gima jadhoodu mahie onego tim, to ber, mondo otim kamano. To ka ok oyie timo kamano, to akuong’ora gi nying Ruoth Nyasaye, ni abiro timoni kamano. Koro nindi nyaka okinyi.”

1 Samuel 14:39

Gi nying Ruoth Nyasaye mareso Israel, kata dabed ni ng’at mokethono en mana Jonathan wuoda, to nyaka otho!” To onge kata ng’at achiel mane odwoke.

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.

1 Samuel 20:21

kendo naor rawera moro, mondo odhi omany asernigo. Ka awachone niya, ‘Aserni eko ni e bathi koni, kawgi,’ to mano nyiso ni mondo iwuog kama ipondoe, nikech wach ber kuomi. Akuong’ora gi nying Ruoth Nyasaye ni onge gima biro timi.

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.

1 Samuel 25:34

Adier, gi nying Ruoth Nyasaye ma Nyasach Israel, mosegeng’a ni kik atimni malit, ka da ok ireto ka ibiro romona, to kiny ka piny oru ok dodong’ni Nabal kata ng’ama dichwo achiel.”