Ayub 27:18 - MUMA MALER 2015

¹⁸ Joricho gero udi, to utgigo ok nyal dak. Girumo piyo mana ka mbuwi kata ka kiru.

Motingʼo Loko Manyien

¹⁸ Ot mogero yomyom ka mbuyi mar otiengʼ, kata ka abila ma jarito ogero.

Ayub 27:18 ပူးပေါင်းရင်းမြစ်များ

Ayub 18:14

Ogole oko e ode mane odakie gi kue, kendo iywaye kitere e tho.

Isaya 1:8

Sayun kende ema odong’, ka kiru mar jorito modong’ e puodho bang’ keyo. En dala ma wasigu olworo koni gi koni.

Isaya 38:12

Osepudh oda, mi owit kucha, mana kaka ipudho kiru mar jakwath. A Ruoth Nyasaye, iseng’ado ngimana machiek mana kaka jatueng’o dolo usi, kendo ng’ado. Isanda, chakre okinyi nyaka odhiambo,

Isaya 51:8

nikech ibiro tiekgi, mi girum, mana kaka olwenda tieko law. To an, teko ma awarogo ji nosiki nyaka chieng’. Adier, resruok ma akelo ok norum kuom tienge duto.

Ywagruok 2:6

Osegolo gik moko duto e Hekalu mare, mi odong’ nono mana ka kiru mowe e puodho. Adier, kama ler ma joge chokoree osemuko chuth. Ruoth Nyasaye osemiyo wi ji owil gi sewni madongo kod Sabato e Sayun, kendo osejwang’o ruoth kod jodolo ka iye owang’.