Ayub 27:16 - MUMA MALER 2015

¹⁶ Jaricho nyalo bet gi pesa mang’eny ka lowo, kendo nyalo bet gi lewni mogundho ma okia kar kwan-gi,

Motingʼo Loko Manyien

¹⁶ Kata jaricho chok fedha mangʼeny manade, kod lewni bende mangʼeny,

Ayub 27:16 ပူးပေါင်းရင်းမြစ်များ

1 Ruodhi 10:27

Solomon nomiyo fedha obedo mang’eny ka kuoyo e Jerusalem, kendo yiend sida bende ne ng’eny ka ng’owo ma e pap.

Ayub 15:29

Ok nobed jamoko kuom kinde mang’eny. Mwandu ma en go ok nodag aming’a. To kata mana tipone bende nolal nono.

Ayub 20:10

Yawuote nyaka dwok gik mane okwalo kuom joma odhier. Adier, nyithinde nyaka dwok mwandu mane okawo.

Ayub 22:24

Wit dhahapi kucha. Ee, wit kata mana dhahapi maler e chuoth aora moduono.

Ayub 27:15

Eka tuo to noneg joma otony e lweny kata ma kech ok onego, kendo mondgi ok noywaggi.

Ayub 27:17

to lepego ng’at moro makare ema biro rwako, kendo ng’at moro ma onge ketho ema biro kawo pesanego.

Ayub 3:15

Kata dikoro anindo mana ka joma omew mane opong’o utegi gi dhahabu kod fedha,

Ngeche 13:22

Ng’at makare bedo gi mwandu moweyo ni nyithinde. Mwandu joricho to nodog ni joma kare.

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Habakuk 2:6

To kinde biro ma joma koro gimakogo nong’ong’nigi, kawachonigi niya, “Unune malit, un jomecho ma doko momew gi mwandu moyaki kod gik mohol.”

Zefania 1:11

kendo ji modak e dala mamwalo noywagi, nimar joohala duto orumo, kendo joma loko ohand fedha otiek pep.

Zekaria 9:3

Jo-Turom osegero ohinga ma gigeng’orego, kendo gisedhuro fedha gi dhahabu mana ka lowo.

Mathayo 6:19

“Kik ukan mwandu e piny, kama olwenda kata nyal kethoe gik moko, kendo jokuo bende turo, mi kwelie.

Jakobo 5:2

Mwandu osetop, kendo lepu olwenda ochamo.