Ayub 26:14 - MUMA MALER 2015

¹⁴ To mago gik manyiso mana dir tekone kende, kendo gin mana weche manok miwacho kuome. To koro en ng’awa ma nyalo ng’eyo duong’ hie mar Nyasaye.”

Motingʼo Loko Manyien

¹⁴ To magi gin mana dir tijene ma oko kende; kendo gin mana gik manok kende mikuodho kuome! Koro en ngʼa mongʼeyo gima Nyasaye nyalo timo gi tekone?”

Ayub 26:14 ပူးပေါင်းရင်းမြစ်များ

Ayub 36:29

Onge ng’ama ong’eyo kaka boche polo ringo, kata kaka polo mor.

Ayub 37:4

Bang’e dwonde winjore komor matek gi dwol mar duong’ne, to seche duto polo mil amila.

Ayub 37:5

Nyasaye chiko gik malich mondo otimre. Gin gik miwuoro ma dhierowa ng’eyo.

Ayub 4:12

Ne okuodhna wach moro mos, mane ok anyal winjo maber.

Ayub 40:9

Bende iratego ka an adier? Koso dwondi bende chal gi mara ma mor ka polo?

Ayub 42:5

Nyocha abet ka ang’eyo mana gima ji moko nono osewacho kuomi, to koro aseneni gi wang’a awuon.

Zaburi 139:6

Ng’ech ming’eyago lich miwuoro! Chutho, otut ma ok anyal winjo tiende.

Zaburi 145:3

A Ruoth Nyasaye iduong’, omiyo nyaka paki ahinya. Adier, duong’ni odhiero ji ng’eyo.

Zaburi 29:3

Dwond Ruoth Nyasaye wuo e nembe. Adier, Nyasaye man gi duong’ twaro, kendo dwonde winjore e nam.

Eklesiastes 11:5

Gik moko duto Nyasaye ema ochueyo, bende ok inyal ng’eyo gima otimo, mana kaka ok inyal ng’eyo kaka nyathi chakore ei min.

Habakuk 3:4

Othinyore ka ler mar okinyi, kendo meny ariyo rieny e bathe koni gi koni. Kor polo kanyo e kama opandoe duong’ne maler.

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”