Ayub 24:24 - MUMA MALER 2015

²⁴ Joricho dhi maber kuom kinde manok kende, to bang’e giner ka buya mopudhi kata ka tiang’ motong.

Motingʼo Loko Manyien

²⁴ Gineno maber kuom kinde matin kende to bangʼe gilal nono kadiemo wangʼ, kendo ichokogi mi giner ka buya mopudhi; kendo ingʼadogi oko mana kaka ingʼado wiye cham.

Ayub 24:24 ပူးပေါင်းရင်းမြစ်များ

Ayub 14:21

Kata bed mana ni yawuote yud duong’, to en ok ong’e, kata ka giyudo wich kuot, to ok one.

Ayub 20:5

onge jaricho mosebedo mamor aming’a, kendo ilo mar ng’at ma ok dew Nyasaye rumo piyo.

Ayub 21:13

Piny dhi kodgi maber, kendo githo gi kue

Ayub 21:33

to ji gana gi gana kowe, kendo kata mana lowo lwar kuome mos. Liende bende jorit rito arita.

Ayub 8:22

to enokel wichkuot ni joma mon kodi, kendo miech joma timbegi richo nolal nono.”

Zaburi 37:10

Bang’ kinde matin, joma timbegi richo biro lal nono, kendo kata obedo ni imanyogi matek, to ok niyudgi.

Zaburi 73:19

Itiekogi ka diemo wang’! Masiche malich lal kodgi nono.

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Jakobo 1:11

Ka chieng’ owuok makech to wang’o maua kendo thiepene lwar piny, bang’e kite maber lal nono. Kamano e kaka jamoko bende biro lal nono mana ka tiyo tichne.