Ayub 23:16 - MUMA MALER 2015

¹⁶ Nyasaye Ma Nyalo Gik Moko Duto oseketho chir mane an-go. En mana Nyasaye ema miya luoro, to ok mudho, kata obedo ni mudho dino wang’a kamano.

Motingʼo Loko Manyien

¹⁶ Nyasaye osemiyo chunya ool; Jehova Nyasaye Maratego osemiyo kibaji omaka.

Ayub 23:16 ပူးပေါင်းရင်းမြစ်များ

Ayub 16:12

Chon ne adak gi kue, to Nyasaye ne omaka gi ng’uta, mi owita piny, kendo otura. An ema Nyasaye onena,

Ayub 23:15

Omiyo ka aparo ni abiro chung’ e nyime, to atetni ateta, kendo luoro nega.

Ayub 27:2

“Akuong’ora e nyim Nyasaye Mangima Manyalo Gik moko Duto, motamore ng’adona bura makare, kendo mosemiyo chunya obedo malit,

Zaburi 22:14

Tekra orumo ka bend dak. Chokena duto orokni, kendo chunya leny mana ka odok.

Zaburi 88:16

Mirimbi mager nega dwaro nyuma ka apaka, kendo monj malich misemonjago omiya luoro ma dwaro nega.

Isaya 57:16

Ok anabed kadhaw ndalo duto, bende ok anabed kakecho nyaka chieng’, nimar ka da bed ni atimo kamano, to ji duto mane achueyo ditho.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Jeremia 51:46

Kuwinjo wach moro marach, kaka wach lweny, kata ni ruoth moro kedo gi wadgi, to kik chunyu parre, kata kik ubed maluor, nikech higa ok kadhi mak weche makamago olandore.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Rapar mar Chik 20:3

kendo nowach niya, ‘Un jo-Israel, winjuru, kawuono uyworo machiegni mondo uked gi wasigu. Kik chunyu nyosre, kendo kik uluor. Kibaji bende kik gou kuneno wasikugo,

Ruth 1:20

To Naomi nowachonigi niya, “Kik uluonga ni Naomi, tiende ni Ng’ama Mor, to luongauru ni Malit, nikech Ng’ama Nyalo Gik Moko Duto osetimona malit ahinya.