Ayub 22:28 - MUMA MALER 2015

²⁸ Gimoro amora michano timo, nodhi maber.

Motingʼo Loko Manyien

²⁸ Gimoro amora michano timo biro dhi maber, kendo yoreni miluwo nobed maber.

Ayub 22:28 ပူးပေါင်းရင်းမြစ်များ

Ayub 11:17

Ngimani nobed maler moloyo odiechieng’ tir gi ler, kendo mudho manie ngimani norieny mana ka ler mar okinyi.

Ayub 29:3

Nyasaye ne ni koda kinde duto, bende ne omenyona kuonde motimo mudho mane awuothoe.

Ayub 33:28

Ne oresa kuom dhi e Piny Joma Otho, omiyo pod angima.’

Zaburi 1:3

Ochalo gi yath madongo e bath aora, manyago olemo e kinde mowinjore kendo ma pote ok ner. Gimoro amora motimo dhi maber.

Zaburi 112:4

Ong’won kendo okecho ji. En e ler marieny e mudho ni joma beyo.

Zaburi 20:4

Onego omiyi gik moko duto ma chunyi dwaro, kendo omi yoreni duto dhi maber.

Zaburi 90:17

A Ruoth Nyasachwa, guethni mondo obed kodwa, kendo ikonywa e gik moko duto ma watimo, mondo wadhi maber e tijewa duto.

Zaburi 97:11

Ler rieny kuom joma kare, kendo mor mana ni kuom joma beyo.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Ywagruok 3:37

En ng’a ma dichik gimoro mi timre, ka ok Ruoth Nyasaye ema ochano ni mondo gino otimre?

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Mathayo 21:22

Ka un gi yie, to unuyud gimoro amora mukwayo kulemo.”

Johana 8:12

Yesu nomedo puonjo ji, kowacho ni, “An e ler mar piny. Ng’at moluwa ok nowuoth e mudho, to nobed gi ler mar ngima.”

Jakobo 4:15

Kuom mano, gima onego uwachi en ma: “Ka Ruoth oyie, to wanabed mangima, kendo wanatim gik ma wasechano.”