Ayub 22:27 - MUMA MALER 2015

²⁷ Ka ilemo, to obiro winji, kendo inichop singruok duto mane itimo.

Motingʼo Loko Manyien

²⁷ Inilame kendo enowinji, kendo inichop singruok duto mane itimo.

Ayub 22:27 ပူးပေါင်းရင်းမြစ်များ

2 Ruodhi 13:4

To Jehoahaz nosayo Ruoth Nyasaye, mi Ruoth Nyasaye nowinje, nikech noneno kaka ruodh Aram sando jo-Israel.

1 Weche mag Ndalo 4:10

Jabez nokwayo Nyasach Israel niya, “Yie igwedha, kendo imed mbap pinya, bende lweti orita mondo kik gima rach hinya.” Mi Nyasaye nomiye gima nokwayono.

2 Weche mag Ndalo 33:13

Nokwayo Nyasach kwerene kobolore ahinya, mi Nyasaye nowinjo ywakne mokonye, kendo nodwoke Jerusalem e lochne. Koro Manase nong’eyo ni Ruoth Nyasaye e Nyasaye.

Ayub 11:13

Ayub, lok chunyi, mondo idwar Nyasaye.

Ayub 27:10

Ne onego ginyis ni giyudo mor kuom tiyo ni Nyasaye, bende nonego gibed ka gilame pile!

Ayub 33:26

Ka olemo, to Nyasaye biro winje, kendo nolam Nyasaye gi mor. Adier, Nyasaye nochak olosne gik moko maber kendo.

Ayub 34:28

Ne gichuno joma odhier mondo oywag ni Nyasaye, kendo ne owinjo ka gikwaye mondo okonygi.

Ayub 8:6

Kapo ni iler, kendo ionge gi richo, to obiro konyi, mi odwokni mwanduni duto,

Zaburi 116:1

Ahero Ruoth Nyasaye nikech owinjo kwayona. Adier, ochiko ite ni lemona

Zaburi 116:14

Bende gik mane asesingora ni nachiwne, abiro chiwone e chokruok mar joge duto.

Zaburi 56:12

A Nyasaye, anachiwni gima asesingora. Ee, anachiwni mich mar erokamano,

Zaburi 61:5

A Nyasaye, isewinjo singruokna, kendo isemiya mwandu ma joma oluori yudo.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Eklesiastes 5:4

Kuom mano, ka isingori ni ibiro chiwo ni Nyasaye gimoro, to tim kamano piyo, nikech Nyasaye ok mor gi ng’at mofuwo. Adier, tim gima isingori ni ibiro timo.

Isaya 58:9

Bang’e ka uluongo, to Ruoth Nyasaye nodwoku. Adier, ka uywakne, to nodwoku niya, ‘An ka,’ Ka uweyo sando ji, kendo uweyo achaya kod hango ji kayiem,

Jeremia 29:12

Bang’e unuluonga, kendo unubi ulama, mi nadwoku.

Jona 2:9

an to natimni misango, ka apaki gi wer. Anachul gima asingorani. Ruoth Nyasaye ema reso ji!”

Rapar mar Chik 23:21

“Kikuong’ori kuom wach moro, to nyaka ichop kuong’ruokno piyopiyo, nikech ka ok itimo kamano, to Ruoth Nyasaye ma Nyasachu nobandhi wachno, kendo nibed jaketho.