Ayub 22:14 - MUMA MALER 2015

¹⁴ Iparo ni boche polo motimo rumbi nyalo mone neno, kowuotho e kind polo gi piny?

Motingʼo Loko Manyien

¹⁴ Boche mogingore oime, omiyo ok onyal nenowa seche mowuotho koni gi koni e kor polo.’

Ayub 22:14 ပူးပေါင်းရင်းမြစ်များ

Ayub 26:9

Omiyo boche polo imo due marieny maler.

Ayub 34:22

kendo onge mudho kata mandiwa manadi, ma joricho nyalo pondonee.

Zaburi 33:14

Ong’iyo piny gi kuma odakie, kendo oneno ji duto modak e piny.

Zaburi 97:2

Boche polo gi mudho molil olworo Ruoth Nyasaye, kendo lochne otenore kuom tim makare kod adiera.

Isaya 40:22

ni Nyasaye obet e polo malo, kendo ni joma odak e piny chalone mana dede. Ok osewachnu kamano chakre chon? Koso pok uparo nyaka ne chue piny ni en ema ne oyaro polo mana ka pasia, kendo ogure mana ka hema midakie?

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Amos 9:6

Ruoth Nyasaye gero ute e polo, kendo orenjo polo kuom piny. Oluongo pi nam mondo obi, kendo oologi e piny. Ruoth Nyasaye e nyinge!