Ayub 21:14 - MUMA MALER 2015

¹⁴ Joricho okwero Nyasaye niya, ‘Wewa! Ok wadwar ng’eyo yoreni.

Motingʼo Loko Manyien

¹⁴ To gingʼanyone Nyasaye kagiwacho niya, ‘Wewa mos!’ Waonge gi gombo moro amora mar ngʼeyo yoreni.

Ayub 21:14 ပူးပေါင်းရင်းမြစ်များ

Ayub 22:17

Gin e joma ne odagi Nyasaye, kendo mane paro ni ok onyal kumogi.

Ayub 34:27

nimar gisebaro, mi giweyo luwe, kendo gijwang’o chikene duto.

Ayub 35:10

To ok giywag ni Nyasaye ma jachwechgi, kendo mamiyogi teko e sa ma masira malich omakogie.

Zaburi 10:11

Jaricho wacho e chunye niya, “Nyasaye ok dew. Bende osemiyo wengene, kendo ok obi nena.”

Zaburi 10:4

Owuoyo gi sunga niya, “Nyasaye ok dew gik ma atimo, omiyo ok obi kuma.” Mano e gima jaricho paro.

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Ngeche 1:29

Pile ne ok udwar rieko, kendo ne utamoru luoro Ruoth Nyasaye.

Ngeche 1:7

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Isaya 30:11

Baruru uwe yo moriere tir, mondo kik wachak wawinj wach Ng’ama Ler mar Israel.’ ”

Jeremia 2:31

“Chikuru itu maber uduto, mondo uwinj gima awachonu, un jo-Israel. Achalonu thim, koso achalonu piny ma masiche ng’enyie, ma ok unyal dak koda maberni? Ka ok kamano, to marang’o uwacho ni ubiro timo mana kaka uhero, kendo ni ok unyal duogo ira, to un joga?

Jeremia 9:6

Gitimo timbe mahundu kinde duto, timbegi mag wuond bende osiko asika, to gitamore yie kuoma.

Habakuk 1:15

Jo-Babulon mako ji mana kaka jolupo mako rech gi olowu, kendo ywayogi gi tol ka mor.

Luka 8:28

Kane oneno Yesu, ne oywak matek, mi opodho e nyime kokok niya, “Yaye! Yesu, Wuod Nyasaye Maduong’ Moloyo! Ilaro ang’o koda? Asayi kik isanda!”

Luka 8:37

Bang’ mano, ji duto mane odak e piny jo-Gerasi nokwayo Yesu mondo oa e pinygi, nikech ne giluor ahinya. Kuom mano Yesu nodonjo e yie mondo oa.

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Jo-Rumi 8:7

Ng’at ma paro mana weche mag dhano mon gi Nyasaye, nikech ok orito Chik Nyasaye. Adier, ok onyal rite.