Ayub 20:6 - MUMA MALER 2015

⁶ Kata obedo ni osungore mi ochop nyaka e polo, kendo kata obedo maduong’, ma wiye geyo mana boche polo,

Motingʼo Loko Manyien

⁶ Kata bed ni sungane chopo nyaka e polo kendo wiye mulo boche polo,

Ayub 20:6 ပူးပေါင်းရင်းမြစ်များ

Chakruok 11:4

Bang’e ne giwacho niya, “Koro wageruru dala maduong’ man gi gorofa mabor mochopo nyaka e polo, mondo walos nyingwa, kik wabed ji moke e kor piny.”

Jeremia 51:53

Kata da bed ni Babulon nyalo idho, mi tundi e polo, kendo ger udi motegno kuno, to pod daor ji mondo okethe. An Ruoth Nyasaye ema awacho kamano.

Daniel 4:11

Yadhno nodongo adonga motundo e polo, kendo ng’ato ang’ata man kamoro amora e piny ne nyalo nene.

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Amos 9:2

Kata ka gikunyo bur, mi gichopo nyaka kar joma otho, to abiro gologi mana kuno. Kata ka giidho nyaka e polo, to abiro lorogi piny.

Mathayo 11:23

“To in dala, mar Kapernaum, iparo ni initing’ri malo nyaka e polo koso? Ooyo, ibiro boli piny, mana e Piny Joma Otho! Dine bed ni honni mane otim kuomi ne otim Sodom, to dikoro Sodom pod nitie nyaka chil kawuono!