Ayub 20:27 - MUMA MALER 2015

²⁷ Polo nyiso richo mag ng’atni. Piny bende donjone.

Motingʼo Loko Manyien

²⁷ Polo biro bedo janeno kuom timbene mamono duto; to piny nongʼadne bura.

Ayub 20:27 ပူးပေါင်းရင်းမြစ်များ

Ayub 16:18

In piny, kik ipand gik maricho ma osetimna! Kik iyie ng’ato omi aling’, ka aywak mondo ong’adna bura makare!

Ayub 18:18

Ibiro riembe e piny ma ji odakieni, mi oa e ler, odhi e mudho.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Jo-Rumi 2:16

Kamano e kaka notimre chieng’ ma Nyasaye nomi Yesu Kristo yalie weche mopondo duto manie chuny dhano. Mano e kaka Wach Maber ma alando nyiso.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

Rapar mar Chik 31:28

Omiyo chokuru jodong dhoutu gi jotendu duto e nyima, mondo awachnigi wechegi, kendo aluong polo gi piny mondo obedna joneno.