Ayub 2:7 - MUMA MALER 2015

⁷ Bang’ mano, Satan nowuok oa e nyim Ruoth Nyasaye mi odhi ogoyo Ayub gi tuoche buche, mokuodo dende chakre lith tiende nyaka paw wiye.

Motingʼo Loko Manyien

⁷ Kuom mano Satan nowuok oa e nyim Jehova Nyasaye, kendo nogoyo Ayub gi buche maremo malit, kochakore e tiende nyaka e wiye.

Ayub 2:7 ပူးပေါင်းရင်းမြစ်များ

2 Samuel 14:25

E Israel duto ne onge ng’at man gi chia miwuoro ka Absalom. Mbala ne onge kuome, a wiye nyaka tiende piny.

1 Ruodhi 22:22

Ruoth Nyasaye nopenje niya, ‘Ere kaka ibiro hoye?’ Nodwoke niya, ‘Abiro dhi bet roho mar miriambo e dho jonabini duto.’ Ruoth Nyasaye noyie ni, ‘Ee, in ema ibiro hoye, kendo iniloye. Dhiyo itim kamano.’

Ayub 1:11

To koro sani temie kawo gik moko ma en go ka ane ka dang’ ok okuong’i e wang’i!”

Ayub 13:28

An ema iranga, to aorora mana ka yien motop, kata ka law ma olwenda ochamo.

Ayub 2:6

Mano omiyo Ruoth Nyasaye nowacho ni Satan niya, “Kara ber, koro ero akete e tekoni mondo itimne gima idwaro, to kik inege.”

Ayub 30:30

Denda oselokore rateng’, kendo opokore, midhusi bende ohinga.

Ayub 7:5

Kudni opong’o denda, kendo buru oima, kendo adhondena chuer tutu.

Isaya 1:6

Onge kama ngima e dendu, chakre tiendu nyaka wiu, mak mana kuonde moridhore gi kuonde moriemo kod adhonde, ma pok oketie yath, kata motue, kata mowirie mo ma dimi gichangi.

Isaya 3:17

Omiyo abiro keto tuo e wigi, kendo ami gidong’ duge.”

Rapar mar Chik 28:27

“Ruoth Nyasaye biro goyou gi tuo buche mag Misri gi akuodi kendo gi kalanga kod gwonyo ma ok nyal thiedhi.

Rapar mar Chik 28:35

Ruoth Nyasaye biro goyo chongeu kod tiendeu gi buche ma ok nyal thiedhi, to ginilandre e dendu duto.

Fweny 16:11

to ne giyanyo ayanya Nyasach polo nikech rem kod adhonde ma gi-go, to kendo ne ok gilokore giweyo timbegigo.