Ayub 2:13 - MUMA MALER 2015

¹³ Bang’e ne gibet e lowo kanyo kode kuom ndalo abiriyo odiechieng’ gotieno, ka ok giwuo nikech ne gineno kaka othagore malit.

Motingʼo Loko Manyien

¹³ Bangʼe negibet kode piny e lowo kuom ndalo abiriyo odiechiengʼ gotieno. Onge ngʼama nowachone wach moro amora, nikech negineno ka chandruok mane en-go ne pek moloyo.

Ayub 2:13 ပူးပေါင်းရင်းမြစ်များ

Chakruok 1:5

Nochako ler ni, Odiechieng’, to mudho nochako ni Otieno. Piny noyuso kendo noru, mi mano nodoko chieng’ mokwongo.

Chakruok 1:8

Gima nopogo pino nochako ni, Polo. Piny noyuso kendo noru, mi mano nodoko odiechieng’ mar ariyo.

Chakruok 50:10

Kane gichopo kar dino cham man Atad yo wuok chieng’ mar Jordan, ne giywago wuon-gi malich ahinya kuom ndalo abiriyo.

Ezra 9:3

Kane awinjo wachno, nayiecho lawa kod abolana, mapudho yie wiya gi yie tika, kendo nabet piny ka dhoga omoko.

Nehemia 1:4

Kane awinjo wachno, nabet piny maywak kuom ndalo mogwarore, ka atueyo chiemo, kendo alemo e nyim Nyasach polo.

Ayub 3:1

Bang’e Ayub ema ne ochako wuoyo, kokuong’o chieng’ mane onywolee,

Ayub 4:2

“Mit ka chunyi nyalo doko malit ka ng’ato owuoyo kodi, nimar ok anyal ling’ mak awuoyo?

Zaburi 77:4

Nyasaye ne ok we anindi, kendo ne aparora ma ok anyal wuoyo.

Isaya 3:26

Ywak kod dengo nopong’ dhorangeye mag Sayun, kendo dalano nodong’ nono kokethore.

Isaya 47:1

In Babulon, dala ma pok olo, bed piny e lowo. Ee, in dala maduong’ mar jo-Kaldai, we komlochni, ibed piny e buru. Ji ok nochak odendi ka gima in nyako ma dende yom, kendo mosedak e ngima maber!

Ywagruok 2:10

Jodonge obet piny, mi oling’ thi. Gisebuko wigi buru, kendo girwakore gi piende gugru. Nyi Jerusalem bende okulo wigi piny.

Ezekiel 3:15

Ne adhi Telabib, kuma ne joma oter e tuech odakie e bath aora Kebar, mi abet kuno kuom ndalo abiriyo, ka adhier nono nikech gik mane aseneno.