Ayub 19:10 - MUMA MALER 2015

¹⁰ Ogoya koni gi koni, mi arumo. Kaka ng’ato pudho yath, mi kethre, e kaka Nyasaye oseketho geno mane an go.

Motingʼo Loko Manyien

¹⁰ Oseturo denda duto motieka kendo opudho genona ka ngʼama pudho yien.

Ayub 19:10 ပူးပေါင်းရင်းမြစ်များ

Ayub 12:14

Ka Nyasaye ema omuko gimoro, to ere ng’ama nyalo gere kendo? Koso ka Nyasaye ema oketo ng’ato e tuech, koro ere ng’ama digonye?

Ayub 14:19

Pi nyalo loko lwendni, kendo ohula nyalo ywero lowo. Kamano e kaka iketho geno ma dhano nigo!

Ayub 17:11

Ndalona oserumo, kendo chenona duto osekethore, bende koro onge gima ageno.

Ayub 17:15

to koro ere kuma genona dibedie, koso ere ng’ama ding’e ni an gi geno?

Ayub 2:7

Bang’ mano, Satan nowuok oa e nyim Ruoth Nyasaye mi odhi ogoyo Ayub gi tuoche buche, mokuodo dende chakre lith tiende nyaka paw wiye.

Ayub 24:20

Onge ng’ama pare, kata mana min mare bende wiye owil kode, kudni chame kendo orumo chuth.’

Ayub 6:11

Ere teko ma pod adong’go, ma dimi abed mangima?

Ayub 7:6

Ndalona ringo matek motamore gi nono, kendo girumo piyo ma onge geno.

Zaburi 102:11

Ngimana kadho piyo mana ka tipo mar odhiambo, kendo achalo gi lum maner.