Ayub 17:4 - MUMA MALER 2015

⁴ Isedino parogi mondo kik ging’e adiera, omiyo koro kik iwe gigona siboi.

Motingʼo Loko Manyien

⁴ Isedino pachgi mondo kik gifweny adiera; omiyo ok ibi yie mondo gibed joloch.

Ayub 17:4 ပူးပေါင်းရင်းမြစ်များ

2 Samuel 15:31

Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 17:14

Mi Absalom gi jo-Israel duto nowacho niya, “Rieko mar Hushai ja-Arki ber moloyo rieko mar Ahithofel.” To mano notimore nikech Ruoth Nyasaye nosechano mondo okel masira ni Absalom, komiyo rieko mar Ahithofel bedo kayiem nono.

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Ayub 12:20

Omiyo joma ogen ling’ thi, kendo omiyo rieko mag jodongo lal nono.

Ayub 17:5

Ngero moro wacho niya, ‘Ka ng’ato ondhogo jowetene kuom wach pesa, to kethoneno nyaka dog e wi nyithinde.’

Isaya 19:14

Ruoth Nyasaye osemiyogi chuny mar fuwo. Emomiyo rieko duto ma ging’ado obam, kendo gimiyo jo-Misri kier e gik moko duto ma gitimo, mana kaka ng’at momer kier e ng’okne.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Jo-Rumi 11:8

mana kaka Muma wacho ni, “Nyasaye osemiyogi chuny ma nindo otero. Kamano wang’gi ok nen, kendo itgi ok winj wach, nyaka chil kawuono.”

1 Jo-Korintho 1:20

Koro ere ng’at mariek? Ere japuonj Chik? Koso ere jatwak mariek mar pinyni? Donge Nyasaye osenyiso ji ni rieko mar pinyni en mana fuwo koso?