Ayub 16:19 - MUMA MALER 2015

¹⁹ Nitie ng’ato e polo ma biro chung’ ka chwaka.

Motingʼo Loko Manyien

¹⁹ Kata mana sani ngʼat matimo nenda maber ni e polo, ngʼat mabiro chungʼ ka chwaka ni malo.

Ayub 16:19 ပူးပေါင်းရင်းမြစ်များ

Chakruok 31:50

Laban nomedo wacho niya, “Kapo ni ithago nyiga, kata ka ikendo mon moko ka onge janeno, to ng’e ni Nyasaye e janeno e kindwa kodi.”

Ayub 16:18

In piny, kik ipand gik maricho ma osetimna! Kik iyie ng’ato omi aling’, ka aywak mondo ong’adna bura makare!

Ayub 19:25

To ang’eyo ni ng’ato nitie e polo, ma nobi mondo ochwaka chieng’ giko.

Ayub 25:2

“Nyasaye nigi teko mathoth, omiyo ji duto nyaka luore. Orito polo gi kue.

Ayub 31:2

Ere gima Nyasaye Manyalo Gik Moko Duto orito timo ni dhano, kendo ere pok morito chulogo timbewa?

Zaburi 113:5

Onge ng’ama chal gi Ruoth Nyasaye ma Nyasachwa. Odak malo kuma bor,

Zaburi 148:1

Pakuru Ruoth Nyasaye! Ee, dendeuru gie polo.

Zaburi 89:37

Enobed mogurore ka due, ma en janeno maradier e kor polo.’ ”

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

Jo-Rumi 9:1

Kaka an ja-Kristo, gima koro adwaro wacho en adier chutho. Ang’eyo e chunya ni ok ariambi,

2 Jo-Korintho 1:23

To aluongo Nyasaye obed janenona ka aramo ni ne akechou emomiyo ne ok achako aduogo Korintho.

2 Jo-Korintho 11:31

Nyasaye ma Wuon Ruoth Yesu ma ipako nyaka chieng’ ema ong’eyo ni ok ariambi.

Jo-Filipi 1:8

Nyasaye ong’eyo ni awacho adier ni hera matut ma aherougo oa mana kuom Yesu Kristo owuon.

1 Jo-Thesalonika 2:10

Un ema ung’eyo, mana kaka Nyasaye bende ong’eyo ni kane wan kodu, to timbewa ne ler kendo kare, maonge ketho moro e nyimu un joma oyie.

1 Jo-Thesalonika 2:5

Ung’eyo maber ni ne ok wakonyre ngang’ gi weche miwuondogo wang’ ji, kendo Nyasaye ong’eyo ni ne waonge gi gombo moro mwapando e chunywa.

1 Samuel 12:5

Samuel nowachonigi niya, “Tinende Ruoth Nyasaye obedo janeno kuomu, kendo ruoth moseyiero bende obedo janeno, ni pok amulo gimoro.” Mi ne gidwoke ni, “Ee, obedo janeno.”