Ayub 15:8 - MUMA MALER 2015

⁸ In ne in kanyo, miwinjo ka Nyasaye chano gik mobiro timo? Koso in kendi ema in gi rieko?

Motingʼo Loko Manyien

⁸ Bende ichiko iti ne rieko mar Nyasaye? Koso iloko rieko giri iwuon?

Ayub 15:8 ပူးပေါင်းရင်းမြစ်များ

Ayub 11:6

to da onyisi ni nitie yore mang’eny mag rieko, kendo nitie gik matut motamo dhano ng’eyo. Neye ni Nyasaye ok dew richoni moko!

Ayub 12:2

“Adier, un e jodongo ma ok riw gi kiawa, kendo ka utho, to rieko bende olal.

Ayub 29:4

E ndalogo ne adhi maber nikech Nyasaye norito dalana gi herane.

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Ngeche 3:32

nimar Ruoth Nyasaye mon gi joricho, to ogeno joma kare.

Jeremia 23:18

To onge kata ng’ato achiel kuom jonabigo moseng’eyo weche mopondo mag Ruoth Nyasaye. Bende onge ng’ato kuomgi mosewinjo kata moseng’eyo wechne, kata mana mosechiko ite kuom gik ma an Ruoth Nyasaye awacho.

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Mathayo 11:25

E kindeno Yesu nowacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyiso mana ji ajia.

Mathayo 13:11

Yesu nodwokogi niya, “Un osemiu ng’eyo weche mopondo mag Loch Polo; ji mamoko to ok omi,

Mathayo 13:35

Mano notimore mondo gima ne janabi owacho otimre. Janabino nowacho ni, “Anawuo kodgi mana gi ngeche, ka anyisogi gik mosebet kopondo nyaka ne piny chakre.”

Johana 15:15

Chakre kawuono ok nachak aluongu kendo ni wasumbini, nikech misumba ok ong’eyo gima ruodhe timo. To aluongou ni osiepena, asenyisou gik moko duto ma Wuora osenyisa.

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?

Jo-Rumi 11:34

En mana kaka Muma wacho niya, “Ere ng’ama oseng’eyo paro mar Ruoth Nyasaye, kata ere ng’ama osebet jang’adne rieko?

1 Jo-Korintho 2:16

Mano e gima Muma bende wacho ni, “Ere ng’ama ong’eyo paro mar Ruoth, ma dimi ong’ad ni Ruoth rieko?” Wan to wan gi paro mar Kristo!

Rapar mar Chik 29:29

“Nitie gik moko mopondo, to gin mag Ruoth Nyasaye ma Nyasachwa, to gik moelnwa tiendgi ema omiwa kaachiel gi nyikwawa nyaka chieng, omiyo wanyalo timo gik moko duto ma chikni dwaro.