Ayub 15:32 - MUMA MALER 2015

³² Obiro ner ka ndalone pok orumo, mana ka pot yath, mi ok nochak obed mang’ich.

Motingʼo Loko Manyien

³² Obiro neno makne kapod ndalone oromo, kendo bedene ok bi siko ka ngʼich.

Ayub 15:32 ပူးပေါင်းရင်းမြစ်များ

Ayub 22:16

Joma luwo yore ma kamago tho ka pok ndalogi ochopo, ka gima ohula oyuoyogi.

Zaburi 55:23

Jonek gi jomriambo ok nodag aming’a. In Nyasaye ibiro wito jogo e bur matut. An to abiro geno kuomi.

Ngeche 10:27

Luor Ruoth Nyasaye, eka idag aming’a. Joricho to tho ka ndalogi podi.

Eklesiastes 7:17

To bende kik ibed ng’at ma timbene richo ahinya, kata ma ofuwo ahinya, nimar ere gima omiyo onego itho ka ndaloni podi?

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Hosea 9:16

Jo-Israel chalo gi yath ma tiendene osetwo kendo ok nyag olemo. Ok gininywol nyithindo, to kata kapo ni ginywolo, to ananeg nyithindgi ma gihero ahinyago.”

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.