Ayub 15:23 - MUMA MALER 2015

²³ kendo ni achudhe rito mondo ocham ringre. Ng’at ma kamano ong’eyo ni ngimane otimo mudho.

Motingʼo Loko Manyien

²³ Orundore koni gi koni nimar en chiemb achudhe adier; ongʼeyo ni odiechieng mudho ni machiegni.

Ayub 15:23 ပူးပေါင်းရင်းမြစ်များ

Chakruok 4:12

Chakre tinende, kipuro lowo, to ok nonyagni cham, kendo inibed jabayo ma onge gi kar dakne e piny ka.”

Ayub 15:22

Oonge gi geno mar wuok e chandruok, nimar ong’eyo ni tho okiye,

Ayub 15:24

Masira marach omake apoya, kendo chandruok gi paro malit oime, mana ka gima ruoth maratego ema omonje.

Ayub 15:30

Kendo ok notony e masira. Enochal gi yath ma mach owang’o pote, kendo ma yamo okeyo thiepene.

Ayub 18:12

Chon ne en gi mwandu, to tinde oonge kata mana gi chiemo, kendo masira rite arita.

Ayub 18:18

Ibiro riembe e piny ma ji odakieni, mi oa e ler, odhi e mudho.

Zaburi 109:10

Onego nyithinde bed jokuecho mawuotho awuotha, koseriembgi gia e dalagi mokethi.

Zaburi 59:15

Giwuotho e dala koni gi koni ka gidwaro chiemo, kendo ging’ur ka ok giyud moromogi.

Zaburi 59:16

An to nabed ka apako tekoni. Okinyi kokinyi anawer kapako herani mosiko, nikech isebedona kar konyruok.

Ngeche 10:3

Ruoth Nyasaye ok we kech neg ng’at makare. Jaricho to otuono gik modwaro.

Ngeche 16:4

Gik moko duto ma Ruoth Nyasaye osechweyo nigi gikogi, kendo giko joricho en mana tho.

Eklesiastes 11:8

Ka ng’ato odak aming’a to onego ogo erokamano kuom hignigo duto, koparo ni kosetho, to ndalo mudho nobed mang’eny moloyo! Kuom mano, gik moko duto mabiro gin mana kayiem nono.

Ywagruok 5:6

Kinde moro ne wawinjore gi jo-Misri mondo omiwa chiemo, to kinde machielo bende ne wawinjore gi jo-Asuria kamano.

Ywagruok 5:9

Wayudo chiembwa kwachiwo ngimawa, nikech jolweny manyalo monjowa nie thim.

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Amos 5:20

Chieng’ Ruoth Nyasaye en mana mudho mandiwa. Adier, en chieng’ molil, maonge ler!

Zefania 1:15

Chieng’no en chieng’ bura, kendo en chieng’ ywagruok gi rem, bende en chieng’ kethruok gi lal, kod mudho gi kuyo, kaachiel gi rumbi molil kod ong’ueng’o malich. En chieng’ ma tung’ ywakie,

Jo-Hibrania 10:27

Gima odong’ en mana kibaji, kwang’eyo ni wachomo bura, gi mirima mager ka mach, ma Nyasaye biro tiekogo joma otamore yie kuome.