Ayub 15:14 - MUMA MALER 2015

¹⁴ Bende nitie ng’at maler chutho adier? Koso bende nitie ng’at malong’o e wang’ Nyasaye?

Motingʼo Loko Manyien

¹⁴ “Dhano to en angʼo madimi obed ngʼama ler, koso dhano ma dhako onywolo, to en angʼo madimi obed ngʼama kare?

Ayub 15:14 ပူးပေါင်းရင်းမြစ်များ

1 Ruodhi 8:46

“Ka gitimo gima isekwero, (nimar onge ng’ato ma ok kethi,) kendo ikecho kodgi, michiwogi e lwet wasikgi mondo otergi e tuech e piny wasikgigo, kuma bor kata kuma chiegni,

2 Weche mag Ndalo 6:36

“Ka gitimo gima isekwero, (nimar onge ng’at ma ok kethi), kendo ikecho kodgi, michiwogi e lwet wasikgi mondo otergi e tuech e piny mabor kata machiegni,

Ayub 14:1

Ndalo dhano nok, kendo oneno thagruok mathoth.

Ayub 14:4

Onge gima ler ma diwuog kuom gima ochido ka dhano.

Ayub 15:13

ka mirima omaki gi Nyasaye, kendo ikwede gi weche mathoth?

Ayub 9:2

“Ee, ayie gi wecheni, to ere kaka dhano dilo Nyasaye gi bura?

Zaburi 14:2

Ruoth Nyasaye rango ji gie polo, mondo one ane ka nitie joma riek kendo malame.

Zaburi 14:3

To giduto gisebayo yo, kendo gisedwanyore mana maromre. Onge ng’ato kuomgi matimo maber. Ooyo! Onge kata mana ng’at achiel.

Zaburi 143:2

Kik iyala, an jatichni, nimar onge ng’ama kare e nyimi.

Zaburi 51:5

Asebedo katimo richo chakre ndalo mane onywolae. Adier, nyaka chieng’ mane mama omakoe ichna, asebedo jaricho.

Ngeche 20:9

Ere ng’ama nyalo wacho ni parone long’o, kendo ni richone duto osepuodhi?

Eklesiastes 7:20

Onge ng’ato kata achiel e piny ngima manyalo timo mana gik mabeyo lilo, ma ok oketho gimoro.

Eklesiastes 7:29

To gima aseyudo bende, en mana ni, Nyasaye ne ochueyowa joma kare, to wan wawegi ema wasegajore gi paro mathoth.

Johana 3:6

Gima ringruok onywolo en mar ringruok, kendo gima Roho onyuolo en mar Roho.

Jo-Rumi 7:18

Ang’eyo ni an kaka dhano, onge gima ber man kuoma, nikech kata obedo ni adwaro timo gima ber, to ok anyal.

Jo-Galatia 3:22

To Muma osewacho ni piny duto nie bwo loch mar richo, mondo singruok motenore kuom yie kuom Kristo omi mana joma oyie.