Ayub 14:7 - MUMA MALER 2015

⁷ Ka osetong’ yath, to nitie geno ni onyalo loth kendo.

Motingʼo Loko Manyien

⁷ “Yien ber nyalo bedo gi geno: ka osetongʼe to nitie geno ni onyalo loth, kendo chunye maloth manyien ok rem mak odongo.

Ayub 14:7 ပူးပေါင်းရင်းမြစ်များ

Ayub 14:14

Ka ng’ato otho, to bende dochak obed mangima? An to abiro dhil gi thagruokna nyaka kinde maber chopi.

Ayub 14:6

Lok wang’i oa kuom dhano mondo iweye. Kata obedo ni ngimane tek kamano, to we one maber kaka onyalo.

Ayub 14:8

Kata obedo ni tiendene top, kendo osikine tho ei lowo,

Ayub 19:10

Ogoya koni gi koni, mi arumo. Kaka ng’ato pudho yath, mi kethre, e kaka Nyasaye oseketho geno mane an go.

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 27:6

E ndalo mabiro, nyikwa Jakobo nogurre motegno. Ee, jo-Israel nobed ka yath ma dongo kendo thiewo nyaka nyag olemo, mi pong’ piny ngima.”

Isaya 6:13

Kata ka achiel kuom apar mar ji odong’ kanyo, to gin bende notiekgi pep, mana ka yien motong’, mi osiki kende ema odong’. Kamano jo-Nyasaye ma biro dong’ nochal gi osikino.”

Daniel 4:12

Obokene ne beyo, kendo nonyago olemo mang’eny moromo piny ngima chamo. Le ne yueyo e tipone, winy bende ne gedo e bedene, kendo gik moko duto mangima nochamo olembene.

Daniel 4:15

To iwe osiki mar tiende kochung’ e lowo, kendo itueye alwora gi nyinyo kod mula. Kamano nodong’ ei lum e pap kanyo, nimar ng’atno nyaka dag gi le e thim, kendo tho mok kuome.