Ayub 14:15 - MUMA MALER 2015

¹⁵ Bang’e iniluonga, to anadwoki, kendo inibed mamor kineno ng’at mane ichueyo.

Motingʼo Loko Manyien

¹⁵ Ibiro luongo, kendo abiro dwoki; ibiro gombo neno chwech ma lweti osechweyo.

Ayub 14:15 ပူးပေါင်းရင်းမြစ်များ

Ayub 10:3

Bende en gima ber kibedo makwiny, kendo kijaro gima in iwuon ema ichueyo? To eka ibuonjo kineno rieko ma joma richo ng’ado!

Ayub 10:8

Donge lweti mane ochweya ema koro tieka?

Ayub 13:22

Nyasaye in ema ikwong wuoyo, eka adwoki. Ka ok kamano, to we awuo, eka idwoka.

Ayub 14:14

Ka ng’ato otho, to bende dochak obed mangima? An to abiro dhil gi thagruokna nyaka kinde maber chopi.

Ayub 7:21

In donge diwenae richona? Koso ok ding’wonnae timbena maricho? Piyopiyo nono, abiro nindo e liel, kendo ka imanya, to ok niyuda.”

Zaburi 138:8

Ibiro timo gik moko duto ma isesingorina. A Ruoth Nyasaye, herani mosiko ochwere, omiyo kik iwe tich ma isechako, mak itieko.

1 Jo-Thesalonika 4:17

Bang’e, wan mapod wangima noyudhwa, mi terwa malo e boche polo kaachiel gi jogo, mondo warom ni Ruoth e kor polo. Mano e kaka Ruoth noterwa mondo wabed kode nyaka chieng’.

1 Petro 4:19

Emomiyo, ber mondo joma neno masira kaluore gi dwaro mar Nyasaye, osik ka timo timbe mabeyo, kendo ochiwre e lwet Jachwechgi, ma en Jal mogen.

1 Johana 2:28

Adier nyithinda, sikuru kuome mondo ka chieng’ moro ofwenyore, to wabed gi chir, ka waonge gi gima dimi wiwa kuodi e nyime.