Ayub 14:1 - MUMA MALER 2015

¹ Ndalo dhano nok, kendo oneno thagruok mathoth.

Motingʼo Loko Manyien

¹ “Dhano ma dhako onywolo ndalone nok kendo oneno chandruok mathoth.

Ayub 14:1 ပူးပေါင်းရင်းမြစ်များ

Chakruok 3:17

Eka Nyasaye nowacho ni Adam niya, “Okuong’ lowo nikech in, nimar niwinjo gima chiegi nowachoni, michamo olemo mane akweri ni kik icham. Koro inibed kitiyo matek, kuom ngimani duto, mondo lowo onyagni chiemo.

Chakruok 47:9

Jakobo nodwoke ni, “Higni ma asewuotho e piny, gin mana mia achiel gi piero adek. Hignigo osebedo manok kendo maricho, kendo ok girom gi higni ma kwerewa nowuothogo e piny.”

2 Ruodhi 4:19

Kane en kuno, nochako ywak ni wuon niya, “Wiya bara! Wiya bara!” Wuon mare nowacho ni jatichne moro niya, “Tere ir min.”

Ayub 10:20

Donge ngimana chiegni rumo? Koro weya mondo acham ngima e ndalo modong’na,

Ayub 15:14

Bende nitie ng’at maler chutho adier? Koso bende nitie ng’at malong’o e wang’ Nyasaye?

Ayub 25:4

Bende nitie ng’at manyalo bet makare kata maler e wang’ Nyasaye?

Ayub 25:5

Ka Nyasaye ok kwan kata mana due ka gima rieny ahinya, kendo ka ok okwan sulue ka gik maler adier,

Ayub 5:7

to dhano ema kelo ni en owuon chandruok, mana kaka ong’ere ni winy huyo e kor polo.

Ayub 7:1

“Thagruok ma dhano nigo e piny chalo mana gi ngima ng’at moter e lweny gi thwon, kendo mana ka tich lwedo matek,

Ayub 7:6

Ndalona ringo matek motamore gi nono, kendo girumo piyo ma onge geno.

Ayub 8:9

Wan to, ndalowa nok ahinya, omiyo ok wanyal ng’eyo gimoro, kendo wan ngimawa e pinyni rumo piyo mana ka tipo makadho.

Ayub 9:25

Ndalona ringo kadho, to onge achiel maber kuomgi.

Zaburi 39:5

Mano kaka isemiya ngima machiek manadi! Hika tin e nyimi miwuoro! Adier, dhano en mana gima nono ka yamo makudho.

Zaburi 39:6

Okadho mana ka tipo! Mwandu duto mochoko chalo muya maduono, to bende okia ng’ama nochamgi.

Zaburi 51:5

Asebedo katimo richo chakre ndalo mane onywolae. Adier, nyaka chieng’ mane mama omakoe ichna, asebedo jaricho.

Zaburi 89:47

Parie kaka ngima dhano chiek, kendo kaka ji duto nichueyo ni nyaka tho.

Eklesiastes 2:17

Kuom mano, ne achako sin gi ngima, nikech gik moko duto ma asetimo e piny ka ne ok okelona gimoro, mak mana chandruok. Giduto gin mana gik manono ka yamo makadho.

Eklesiastes 2:23

Gimoro amora motimo e ngimane duto kelone mana chuny lit gi parruok. Chunye ok nyal bedo gi kue, kata mana e seche mag otieno. Mago duto bende gin mana gik manono.

Jeremia 20:18

Ere gima omiyo ne onywola mana ni mondo ane lit gi masira, kendo atho mana gi wichkuot?”

Mathayo 11:11

Awachonu adier ni, kuom yawuot mon duto, onge moro maduong’ie moloyo Johana Jabatiso. Kata kamano, ng’at matinie mogik e Loch Polo to oloye gi duong’.