Ayub 13:4 - MUMA MALER 2015

⁴ Un to, uumo adiera gi miriambo, omiyo uchalo jothieth ma ok nyal thiedho tuo.

Motingʼo Loko Manyien

⁴ Un to uumo adiera gi miriambo; uchalo jothieth ma ok nyal thiedho tuo!

Ayub 13:4 ပူးပေါင်းရင်းမြစ်များ

Nehemia 6:8

To nadwokogi niya, “Onge gimoro mosetimore kaka uwachono. Mago mana weche mag miriambo, muhango un uwegi!”

Ayub 16:2

“Asewinjo weche machalo kamago ndalo mathoth, omiyo hocho muhoyago medona mana chandruok.

Ayub 27:12

To bende kata ka ok anyisou, to useneno gi wang’u, koro ere gima omiyo uwacho weche manono?

Ayub 6:15

To un osiepena, uwuonda mana ka aore maduono ka koth ongee.

Ayub 6:20

to ka ginwang’ogi, to giyudo ni pi ma gigeno yudo ongee.

Ayub 6:21

Un to uchalona mana gi aorego, nikech uneno kaka achalo, to ubwok.

Zaburi 119:69

Josunga ketho nyinga gi weche mag miriambo, to kata kamano, arito chikeni gi chunya duto.

Wuok 20:16

“Kik ihang ni ng’ato wach.

Jeremia 23:32

Winjuru gima awacho, an Ruoth Nyasaye! Amon gi jonabi mahulo lek mag miriambo, nimar giwito joga kod sungagi gi lekgigo. Ne ok aorogi, bende ne ok achikogi mondo gidhi gitim kamano, omiyo onge gima gikonyogo jogagi. An Ruoth Nyasaye ema awacho.”

Jeremia 30:13

onge ng’ama nyalo ritou, kendo adhondeu ok thiedhre, omiyo ok unyal chango.

Jeremia 46:11

“Un jo Misri, dhiuru e piny Gilead umanyie yath. Yedheu duto ok kony gimoro. Onge gima nyalo thiedhou.

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Jeremia 8:22

Yath tinde orumo e piny Gilead koso? Jathieth onge kuno adier? Ere gima omiyo pok othiedh joga?

Ezekiel 34:4

Adier, ok urit rombe moyomno, kendo ok uthiedh mago matuo, bende ok uchom mago motur, bende ok uchok mago moke, kata manyo molal ok umany, to usandogi asanda.

Hosea 5:13

“Mano omiyo, kane jo-Israel oneno ni tuo osemakogi, kendo kane jo-Juda bende oneno adhondegi giwegi, jo-Israel noringo odhi Asuria mondo ruoth maduong mar pinyno okonygi. To ruodhno ne ok nyal changogi kata thiedho adhondegigo.

Mariko 2:17

Yesu nowinjo ka gipenjo kamano, omiyo nowachonigi niya, “Joma ngima ok dwar jathieth, to mak mana joma tuo ema dwaro. Ne ok abiro mondo aluong joma kare, to ne abiro mondo aluong joricho.”

Mariko 5:26

Kata obedo ni jothieth mang’eny nosethiedhe, motieko pesane duto, to tuone nosiko kamedore ameda, ma ok nyal chango.