Ayub 13:24 - MUMA MALER 2015

²⁴ Ere gima omiyo idhina gi bathi, koso ere gima omiyo ikwana ka jasigu?

Motingʼo Loko Manyien

²⁴ Angʼo momiyo ipando wangʼi kendo ikawa kaka jasiki?

Ayub 13:24 ပူးပေါင်းရင်းမြစ်များ

Ayub 10:16

Ka adhi maber, to idwara mana ka sibuor, kendo itimo honni mondo ihinyago.

Ayub 10:17

Pile ibedo gi joneno maranga, momiyo mirimbi medore ameda kuoma, kendo pile ikelona chandruok manyien.

Ayub 10:2

A Nyasaye, kik ikwana ka jaketho, to nyisa gima aseketho.

Ayub 16:9

Nyasaye jako bedena gi embena ka en gi mirima mager, kendo ojwolona wang’e, ka osin koda.

Ayub 19:11

Nyasaye osekecho koda malich, kendo omon koda mana ka jasike.

Ayub 19:22

Ere gima omiyo un bende usanda mana kaka Nyasaye sanda? Donge usesanda moromo?

Ayub 30:21

Ilokori jasika, kendo isanda gi tekri duto.

Ayub 31:35

Mad ng’ato bedie manyalo winja! Akuong’ora ni weche ma asewacho gin adier. Nyasaye Manyalo Gik Moko Duto mondo odwoka. Ka da bed ni ng’at modonjona ondiko weche modonjonago,

Ayub 33:10

Ne iwacho ni Nyasaye keto weche moko kuomi mondo oyudgo tiendi, kendo okwani mana ka jasike.

Zaburi 10:1

A Ruoth Nyasaye, ere gimomiyo in mabor ahinya kodwa kamano? Ang’o momiyo ilalnwa e ndalo mag chandruok?

Zaburi 13:1

A Ruoth Nyasaye, wiyi biro wil koda chutho nyaka karang’o? Koso pod ibiro lalna kuom kinde marom nadi?

Zaburi 44:24

Ere gima omiyo ipandonwa wang’i, ka wiyi owil gi chandruok kod thagruok ma wan go?

Zaburi 44:25

Wagore piny, mi wayikore e buru, ka wariere.

Zaburi 88:14

Ere gima omiyo idaga, A Ruoth Nyasaye? Ang’o momiyo ipandona wang’i?

Isaya 8:17

Arito Ruoth Nyasaye ma pando wang’e ni joka Jakobo, ka ageno mana en.

Ywagruok 2:5

Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Rapar mar Chik 32:20

Nowacho niya, ‘Ok named kwanogi ka joga, to abiro neno gikogi, nimar gin tieng’ ma wigi tek, nyithindo ma ok nyal gen.

2 Jo-Thesalonika 3:15

To kik ukwane ka jasigu, to siemeuru ka owadu kuom Kristo.

1 Samuel 28:16

Samuel nowachone niya, “Marang’o ipenja, kobedo ni Ruoth Nyasaye oseweyi, modoko jasiki?