Ayub 12:6 - MUMA MALER 2015

⁶ To jokuo gi joma ok dew Nyasaye odak gi kue, kata obedo ni tekregi giwegi ema giloko Nyasachgi.

Motingʼo Loko Manyien

⁶ Hembe mag jomecho onge ngʼama monjo, kendo joma jaro Nyasaye winjo maber, mana ka joma otingʼo nyasachgi e lwetgi.

Ayub 12:6 ပူးပေါင်းရင်းမြစ်များ

Ayub 12:5

Yot ni joma onge gi thagruok chayo joma thagore, kendo goyo ng’at ma chiegni podho.

Ayub 12:7

Dhiuru upenj dhok gi winy mondo opuonju,

Ayub 15:13

ka mirima omaki gi Nyasaye, kendo ikwede gi weche mathoth?

Ayub 22:18

To eka Nyasaye nogo ema oseguedhogi gi mwandu! An ok anyal ng’eyo gima ji ma timbegi richo paro!

Ayub 24:23

To kata obedo ni Nyasaye oweyogi gibedo mangima kamano, to orangogi seche duto.

Ayub 9:24

Nyasaye oseketo piny e lwet joma timbegi richo, bende omiyo jong’ad bura duto bedo muofni. To ka ok en ema ne otimo kamano, to kara, ng’ano mane otime?

Zaburi 17:14

Ee, resa gi tekoni kuom joma nigi gik moko duto mag pinyni. Kumgi gi masiche ma isechano ni ibiro kumogigo. Mad nyithindgi bende yud kum moromogi, mi moko dong’ ni nyikwagi!

Zaburi 37:1

Kik chunyi chandre nikech timbe joma richo, bende kik iwe nyiego maki gi joma timo richo.

Zaburi 37:35

Aseneno ng’at marach ka rito piny. Ne ogar kuom ji mana ka yiend sida man Lebanon,

Zaburi 73:3

nikech nyiego ne omaka gi josunga, ka aneno kaka joricho mew.

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Jeremia 12:1

“A Ruoth Nyasaye, ang’eyo ni kata ka akeloni ywakna, to biro yudore ni in ema in kare. Kata kamano pod daher penjie wach kuom adiera mari. Ere gimomiyo joma richo yudo mwandu? Koso ere gimomiyo joma jowuond dhi maber?.

Jeremia 5:27

Gipong’o utegi gi gik mokwal, mana kaka jachik winy. Mano emomiyo gin gi teko kendo gimew,

Jeremia 5:28

bende emomiyo gichwe kendo dendgi leny. Timbegi maricho ng’eny mokadho akwana. Ok gikony nyithi kiye mondo oyud bura makare, bende ok ging’ad bura makare ni joma odhier.

Habakuk 1:11

Bang’e gikadho piyopiyo mana ka yamo, ka gidhi kamoro machielo. To kata kamano gin joketho nikech gikwano tekregi giwegi ka nyasachgi.”