Ayub 11:14 - MUMA MALER 2015

¹⁴ Gol richo kuomi, kendo riemb timbe ma ok ni kare oa dalani.

Motingʼo Loko Manyien

¹⁴ bende ka iweyo timo richo kendo ingʼado ni richo moro amora ok bed e dalani,

Ayub 11:14 ပူးပေါင်းရင်းမြစ်များ

Chakruok 4:7

Kitimo maber, donge diyieni? To kitimo marach, to richo okichore e dhoodi, mondo oloyi. To in nyaka item matek mondo iloye.”

2 Ruodhi 17:13

Ruoth Nyasaye ne siemo jo-Israel kod jo-Juda, kooronigi jonabi gi jokor wach duto, kowachonigi niya, “Weuru yoreu maricho, mondo umak chikena gi buchena ma jonabina mane aoro onyiso kwereu.”

Ayub 22:23

Adier, nyaka iduog ir Nyasaye kibolori, kendo itiek timbe maricho manie dalani.

Ayub 22:5

Ooyo, okumi mana nikech isetimo richo mang’eny ahinya, kendo mana nikech timbeni maricho okadhore.

Ayub 34:32

Bende isekwayo Nyasaye mondo onyisi kethoni, mi iyie ni kata obedo ni iseketho, to koro ibiro weyo timo richo?

Ayub 4:7

Ara koro par ane, ka bende nitie kata ng’at achiel makare ma oseyudo thagruok malich, kata ng’ama ber ma masira osetieko?

Ayub 8:6

Kapo ni iler, kendo ionge gi richo, to obiro konyi, mi odwokni mwanduni duto,

Zaburi 101:2

Abiro keto chunya mondo atim tim makare. To ibiro biro ira karang’o? Abiro bedo gi ngima modimbore e oda.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”