Ayub 11:11 - MUMA MALER 2015

¹¹ Ong’eyo joma nono, kendo oneno timbegi duto maricho.

Motingʼo Loko Manyien

¹¹ Adier, oneno joma wuondore; kendo koneno richo, to donge ondiko piny?

Ayub 11:11 ပူးပေါင်းရင်းမြစ်များ

Ayub 24:23

To kata obedo ni Nyasaye oweyogi gibedo mangima kamano, to orangogi seche duto.

Ayub 28:24

nikech en ema oneno giko piny, kendo en ema oneno gik moko duto manie bwo polo.

Ayub 31:4

Nyasaye ong’eyo gik moko duto ma atimo, kendo orango ondamo ka ondamo ma akawo.

Zaburi 10:11

Jaricho wacho e chunye niya, “Nyasaye ok dew. Bende osemiyo wengene, kendo ok obi nena.”

Zaburi 10:14

To adier ineno joma chandore kendo mokuyo, bende pile iikori mar konyogi. Ng’at ma ok nyal konyore chiwore e lweti, nikech pile isebedo kikonyo jochan gi nyithind kiye.

Zaburi 33:13

Ruoth Nyasaye rango piny gie polo, kendo oneno ji duto.

Zaburi 35:22

To in Ruoth Nyasaye, isewinjo gima giwachono. Emomiyo kik iling’, kendo kik ibed mabor koda.

Zaburi 94:11

Nyasaye ong’eyo ni paro mag dhano nono.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Hosea 7:2

Ok gipar ni wiya ok nyal wil gi richo duto ma gitimo. Richogi olworogi, kendo ok nyal tama neno.”

Habakuk 1:13

In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.