Ayub 10:15 - MUMA MALER 2015

¹⁵ Ka aketho, to alewo. To kata ka atimo maber, to ok ayud pak. Yaye, chunya lit, kendo wichkuot ohewa!

Motingʼo Loko Manyien

¹⁵ Okwongʼa, an ngʼat ma timbene mono! To kata ka aonge ketho, to pod ok anyal bedo thuolo, nimar wichkuot ma an-go osemiyo alal ei masichena.

Ayub 10:15 ပူးပေါင်းရင်းမြစ်များ

Ayub 10:7

To chutho ing’eyo ni aonge gi ketho, kendo aonge gi ng’ato ma diresa kuomi.

Ayub 21:6

Ka aparo gik mosetimorena, ang’eng kendo denda duto kirni.

Ayub 23:15

Omiyo ka aparo ni abiro chung’ e nyime, to atetni ateta, kendo luoro nega.

Ayub 27:7

Mad jogo duto ma piem koda yud kum mana ka joricho.

Ayub 6:29

Paruru ane, mondo uwe ng’adona bura marach. Weuru thaga, nikech an kare.

Ayub 9:12

Gima odwaro ema okawo, kendo onge ng’ama nyalo tame, bende ong’e ng’ama nyalo penje gima otimo.

Ayub 9:15

Kata obedo ni aonge gi ketho, to onge gima anyalo timo, mak mana kwayo ng’wono kuom Nyasaye ma jang’adna bura.

Ayub 9:29

To kaka okwana kamano, koro ere gima omiyo onego achandra?

Zaburi 119:153

Neye kaka achandora, kendo yie iwara, nikech wiya ok osewil gi chikni.

Zaburi 25:18

Par thagruok kod lit ma an go, kendo iwenae richona duto.

Zaburi 44:16

nikech wasikwa nyierowa, kendo yanyowa, ka chulo kuor.

Zaburi 83:16

A Ruoth Nyasaye, migi wichkuot maduong’ nyaka chop gidwog iri.

Zaburi 9:17

Piny joma otho ema joricho duto ochomo, kendo e kar jogo duto modagi Nyasaye.

Wuok 3:7

Bang’e, Nyasaye nowachone niya, “Aseneno ratiro kaka joga thagore e piny Misri. Asewinjo ywakgi, ka gikwayo ni mondo oresgi gia e lwet joma chunogi gi tich matekno. Adier ang’eyo chandruokgi.

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Ywagruok 1:20

A Ruoth Nyasaye neye kaka anie chandruok malit! Chunya chandore, kendo iya nyawni, nikech asepiem kodi marach ahinya. Lweny nego ji oko e thim, mana kaka tho bende neko dala e udi, kendo nyithindo dong’ kiye.

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Luka 17:10

Kamano e kaka un bende, ka usetimo gik moko duto mane onyisu ni mondo utim, to onego uwach ni, ‘Wan mana jotich aticha, omiyo onge erokamano monego wayudi, nikech wasetiyo mana tichwa.’ ”