Ayub 1:20 - MUMA MALER 2015

²⁰ Bang’e Ayub nochung’, moyiecho lepe kanyisogo kuyo ma en go. Ne olielo wiye apwodha mopodho piny auma.

Motingʼo Loko Manyien

²⁰ E sa onogo, Ayub noa malo mi oyiecho lepe kendo olielo yie wiye. Eka nopodho piny auma kolemo,

Ayub 1:20 ပူးပေါင်းရင်းမြစ်များ

Chakruok 37:29

Kane Reuben odok limo bugono, ma ok oyudo Josef, noyiecho lepe.

Chakruok 37:34

Noyiecho lepe, morwako pien gugru, kendo noywago wuode kuom ndalo mang’eny.

2 Ruodhi 2:12

Elisha noneno gima notimore, mokok niya, “Wuora, wuora, aneno geche Israel kod joidh faresene!” Kamano Elija nolal e wang’e. Eka Elisha noyiecho lepe owuon kidienje ariyo.

2 Weche mag Ndalo 7:3

Kane jo-Isarel duto oneno mach kalor piny kod duong’ mar Ruoth Nyasaye ka nie Hekalu, ne gikulore piny e laru. Ne gilamo Nyasaye kendo gigoyone erokamano ka giwacho niya, “Ruoth Nyasaye ber, herane mosiko ochwere.”

Ezra 9:3

Kane awinjo wachno, nayiecho lawa kod abolana, mapudho yie wiya gi yie tika, kendo nabet piny ka dhoga omoko.

Ayub 1:19

mi kalausi moa e thim ogoyo ot piny, monego nyithindi duto pep. An kenda ema atony, omiyo abiro mondo anyisi.”

Ayub 2:12

Kane gikwongo nene, kapod gin mabor kode, ne ok ginyal ng’eye. To kane ging’eye, ne gichako ywak malit, mi giyiecho lepgi kendo gibuko wigi buru.

Wuok 4:31

mi ne giyie ni kara Ruoth Nyasaye oseoro Musa adier. Bende kane giwinjo ni Ruoth Nyasaye oselimo jo-Israel, moneno chandruokgi, ne gikulore, mi gilame.

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Joel 2:13

Chunyu mondo otur, eka onyis ni uywagoru, to kik uyiech ayiecha lepu.” Duoguru ir Ruoth Nyasaye ma Nyasachu, nikech ong’won kendo okecho ji. Iye ok wang’ piyo, kendo onyiso herane mosiko, bende chunye lor a kuom kelo ni ji masira.

Mathayo 26:39

Eka nochwalore nyime matin, mopodho piny auma, kolemo niya, “A Wuora, kanyalore to kikombe mar masira ni mondo okadha; to kik obed kaka an ema adwaro to mana kaka in ema idwaro.”

Rapar mar Chik 9:18

Eka nariera piny e nyim Ruoth Nyasaye kuom ndalo piero ang’wen odiechieng gotieno, kaka nasetimo e kinde mokwongo, mi ariyo kech ka ok achiem kata ok amadh gimoro, nikech richo duto mane usetimo kuketho e nyim Ruoth Nyasaye, kendo kumiye mirima.

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.

1 Petro 5:6

Omiyo beduru mamuol e bwo bad Nyasaye man gi teko, mondo obi oting’u malo e ndalo mowinjore.