Ayub 1:1 - MUMA MALER 2015

¹ Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Motingʼo Loko Manyien

¹ Ne nitie ngʼat moro mane odak e piny Uz mane nyinge Ayub. Ngʼatni ne en ngʼama longʼo chuth kendo ngʼama kare; ne oluoro Nyasaye kendo nokwedo gik maricho.

Ayub 1:1 ပူးပေါင်းရင်းမြစ်များ

Chakruok 10:23

To Aram nonywolo Huz gi Hul gi Gether kod Mash.

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

Chakruok 36:28

Dishan to nonywolo Uz gi Aran.

Chakruok 42:18

Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

Chakruok 6:9

Ma e sigand Nowa: Nowa ne en ng’at makare. En kende ema ne oonge gi ketho e ndalogo, kendo nowuotho gi Nyasaye.

2 Ruodhi 20:3

“A Ruoth Nyasaye, asayi, parie kaka asewuotho e nyimi gi adieri kod chuny mobidhore, ka atimo gik malong’oni.” Eka ne oywak malit.

1 Weche mag Ndalo 1:17

Shem nonywolo Elam gi Ashur gi Arpaksad gi Lud kod Aram. To Aram nonywolo Uz gi Hul gi Gether kod Mash.

1 Weche mag Ndalo 1:42

Yawuot Ezer ne gin Bilhan gi Zaavan kod Jaakan. To yawuot Dishan ne Uz gi Aran.

Ayub 1:8

Eka Ruoth Nyasaye nochako openje ni, “Bende inenoe Ayub jatichna? Onge ng’at makare kendo maler ka en e piny ngima, moluora kendo otang’ gi richo.”

Ayub 2:3

Ruoth Nyasaye ne ochako openje niya, “Bende inenoe Ayub jatichna? Onge ng’at makare kendo maler kaka en e piny ngima, moluora kendo motang’ ni richo. Ne imiyo ayieni mondo iteme kayiem nono, to kata kamano pod ok oketho.”

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Ayub 4:6

Donge yie ma in go kuom Nyasaye kueyo chunyi? Koso donge igeno kuom timni makare?

Ayub 9:21

Aonge gi ketho, to koro ok adew! Asin gi ngima mar pinyni, nikech pogruok onge,

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Ngeche 14:16

Ng’at mariek tang’, kendo loko dieng’eye ni richo. Ng’ama ofuwo to mwomore amwoma nikech ok oluoro gimoro.

Ngeche 14:2

Ng’at makare oluoro Ruoth Nyasaye. Ng’at ma achach to ochaye achaya.

Ngeche 16:17

Yo ma joma beyo luwo bor gi richo, omiyo rang kama iluwo mondo ires ngimani.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 20:7

Nyithindo ma wuon-gi jaadiera, kendo timo gik makare gin johawi.

Ngeche 3:7

Kik iwe chunyi wuondi ni iriek, to luor aluora Ruoth Nyasaye, kendo bed mabor gi richo

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Jeremia 25:20

Kaachiel gi jopinje mamoko modak kuomgi, gi ruodhi duto mag piny Uz, gi ruodhi duto mag miech Filistia, ma Ashkelon gi Gaza gi Ekron kod dir Ashdod modong’,

Ywagruok 4:21

Un jo-Edom, modak e piny Uz, ero umor kendo uil, to ng’euru ni kikombe mwamadhoni, ema un bende ubiro madho! Enomeru mi unyis dugu.

Ezekiel 14:14

To kata dabed ni ji adek ma Nowa gi Daniel kod Ayub odak kuno, to timbegi makare dires mana ngimagi giwegi kende. An Ruoth Nyasaye ema awacho kamano.

Ezekiel 14:20

to kata da bed ni Nowa gi Daniel kod Ayub odak kuno, to ok digires kata mana nyithindgi. Timbegi makare dires mana ngimagi giwegi kende.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Rapar mar Chik 18:13

Ruoth Nyasaye ma Nyasachu dwaro mondo utine gi chunyu duto.

Jakobo 5:11

nimar wakwano joma ohore mos nyaka giko ni gin johawi. Usewinjo bende kaka ne Ayubu ohore mos, kendo ung’eyo gik mane Ruoth omiye e giko, nimar Ruoth ng’won gi lala, kendo okecho ji.

1 Petro 3:11

Nyaka olokre owe timo richo, mi otim gik mabeyo, kendo nyaka odwar kue kinde duto, mi oluw,