Amos 9:7 - MUMA MALER 2015

⁷ Ruoth Nyasaye wacho niya, “Un jo-Israel, gima atimonu chalo mana gi gima atimo ni jo-Ethiopia. Bende nagolo jo-Filistia e piny Kaftor, kendo nagolo jo-Aram e piny Kir, mana kaka un bende nagolou e piny Misri.

Motingʼo Loko Manyien

⁷ “Donge jo-Israel chalo mana gi jo-Kush?” Jehova Nyasaye owacho. “Donge an ema ne agolo jo-Israel koa Misri, jo-Filistia koa Kaftor, kendo jo-Aram koa Kir?

Amos 9:7 ပူးပေါင်းရင်းမြစ်များ

2 Ruodhi 16:9

Ruodh Asuria noyie gi wechene, modhi omonjo Damaski, mokawo. Nodaro joma odakie, motero e tuech Kir. Rezin bende nonego.

2 Weche mag Ndalo 14:12

Eka Ruoth Nyasaye nomiyo Asa gi jo-Juda oloyo jo-Kush, mi jo-Kush noringo.

2 Weche mag Ndalo 14:9

Zera ja-Kush nomonjogi kod jolweny tara achiel, kod geche lweny mia adek, mochopo nyaka Maresha.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Isaya 20:4

e kaka ruodh Asuria nosemb jo-Misri kod jo-Ethiopia ma osemako duto, joma dongo kaachiel gi nyithindo. Giniwuoth duge gi tiendegi nono, ka siandagi neno, mi Misri noyud wichkuot.

Isaya 22:6

Jo-Elam biro kawo aserni maggi, kendo jo-Aram biro tueyo farese e gechegi mag lweny. Jo-Kir bende nokaw kuodigi.

Isaya 43:3

nimar an Ruoth Nyasaye ma Nyasachu, ma Ng’ama Ler mar Israel, kendo ma jaresu. Achiwo Misri gi Ethiopia kod Seba mondo awarugo.

Jeremia 13:23

Bende ja-Nubi nyalo loko kit dende? Koso kwach dilok kite marabok dok kido moro nono? Kapo ni gigo nyalo timore, to kara un bende mutimo gik maricho unyalo timo gik mabeyo!

Jeremia 47:4

nikech kinde osechopo mikethoe piny Filistia. Kamano konyruok ma jo-Turo gi jo-Sidon geno yudo kuom Filistia norum pep, nimar an Ruoth Nyasaye abiro ketho jo-Filistia duto mane oa e dho nembe mag Kaftor.

Hosea 12:13

Ruoth Nyasaye ne ooro janabi mondo ogol jo-Israel e tuech. Adier, nooro janabi mondo oritgi.

Amos 1:5

Abiro turo lodi mag dhoranga Damaski, mi ariemb jodong holo Aven kod Beth-eden. Jo-Aram ibi dar mi ter mabor e tuech e piny Kir.”

Amos 2:10

Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Rapar mar Chik 2:23

To jo-Avim mane odak e mier matindo but Gaza, jo-Kaftor ema notieko, mokawo pinygi, modakie.)