Amos 9:13 - MUMA MALER 2015

¹³ Ruoth Nyasaye wacho niya, “Ndalo biro ma cham nobed mang’eny, mi nogol pur ka ji pod keyo, kendo mzabibu nonyag mathoth, mi nochak oket kodhi ka ji pod loso divai. Yiend mzabibu mang’eny mabeyo nonyag mathoth e gode duto, mi unubed gi divai mang’eny.

Motingʼo Loko Manyien

¹³ Jehova Nyasaye wacho niya, “Ndalo biro ma cham biro bedo mangʼeny, ibiro golo pur ka ji pod keyo, kendo mzabibu nonyagi mathoth, kendo gibiro keto kodhi ka ji pod loso divai. Yiend mzabibu mangʼeny maber nonyag mathoth e gode duto mi unubed gi divai mangʼeny.

Amos 9:13 ပူးပေါင်းရင်းမြစ်များ

Chakruok 49:11

En jamoko, omiyo otweyo kanje e kor mzabibu, mana e kor mzabibu mochiek makwar! Olwoko lepe gi divai makwar.

Zaburi 97:5

Gode leny nono ka odok e nyim Ruoth Nyasaye ma ruodh piny duto.

Isaya 16:10

Mor kod ilo norum chuth e puotheu mabeyo, kendo onge wer ma nower e puotheu mag olembe, bende onge ng’ama nogo koko gi mor. Ok unuchak ubi mzabibu kuonde bicho, kendo mahu mag mor mugoyo e ndalo keyo biro rumo.

Isaya 55:13

Kuonde ma koro pedo gi kudho nitie, yien mabeyo ema biro dongoe. Mano nomi Ruoth Nyasaye bedo gi huma ma ok nyal lal, kendo nobed rapar mosiko nyaka chieng’.”

Ezekiel 28:26

Ginidag kuno gi kue, kendo giniger udi, mi gipidh mzabibu. Anakum ogendini mokiewo kodgi duto, mane ojarogi, mi Israel nobed gi kue. Eka gining’e ni an e Ruoth Nyasaye ma Nyasachgi.”

Ezekiel 36:35

mi ji duto nowach niya, “Piny ma yande thimni tinde chalo gi puoth Eden, kendo mier mane omukore mi oyaki kendo owe gundni, tinde ochiel motegno, kendo ji odakie.”

Joel 2:24

Cham biro pong’o dere, kendo divai manyien gi mo biro pong’o kuonde keno.

Joel 3:18

Kindeno yiend mzabibu manyak ahinya nopong’ gode, kendo jamni mathoth noyud e got ka got. Soko nomol kawuok e Hekalu mar Ruoth Nyasaye, mi nomi holo Shitim bedo mang’ich.

Joel 3:20

Abiro chulo kuor ni jonekgo, kendo joketho ok nawe mak akumo. Ji nodag e piny Juda gi Jerusalem nyaka chieng’, kendo Ruoth Nyasaye nodag e got Sayun.”

Tim jo-Lawi 26:5

Unudin cham nyaka e kinde miponoe mzabibu, kendo unupon mzabibu nyaka kinde michwoyoe. Unuyud chiemo moromou, kendo unudag e pinyu gi kue.

Amos 9:5

Ruoth Nyasaye Manyalo Gik Moko Duto mulo piny, mi piny leny, kendo ji duto modakie ywak. Piny duto ting’ore malo, kendo pie, mana ka aora Nael.

Johana 4:35

Donge uwacho ni pod dueye ang’wen eka cham chiegi? Anto awachonu ni, ng’iuru puothe maber, mondo une kaka cham osechiek moromo keyo!

Jong’ad Bura 5:5

Gode noyiengni e nyim Ruoth Nyasaye mar Sinai, ma Nyasach Israel.