Amos 9:11 - MUMA MALER 2015

¹¹ “Chieng’no anachung’ e dhood Daudi mosebet ka ot molokore gunda. Analos kuonde momukore mondo oduog maber. Abiro gere kendo, mi alose machal gi kaka nochal chon.

Motingʼo Loko Manyien

¹¹ “Chiengʼno anachung od Daudi mosepodho. Analos ohingane kod kuondene momukore duto. Anachak agere mi ochal kaka, ne entie chon,

Amos 9:11 ပူးပေါင်းရင်းမြစ်များ

Ayub 1:10

Donge irite maber, kaachiel gi joode kod gimoro amora ma en go? Iguedho gik moko duto motimo, kendo isemiye dhok mopong’o piny.

Zaburi 143:5

Aparo ndalo mosekadho, kaachiel gi gik moko duto misetimo.

Zaburi 80:12

To koro ere gima omiyo isemuko chiel molwore? Ng’ato ang’ata makadho, tinde nyalo pono olembene.

Zaburi 89:40

Isemuko ohinga mar dalane, mi iweyo kuondene mag siro lweny kokethore.

Isaya 16:5

to kom loch nogur kuom ng’wono mar Nyasaye, kendo jang’ad bura mar adier ma nyakwar Daudi ema nobed e komno. Enobed ng’at madwaro mana adiera, kendo ma timo gik makare mak odeko.

Isaya 5:5

Koro chikuru itu, mondo uwinj gima abiro timo ni puotha mar mzabibu. Abiro pudho chiende oko, kendo abiro muko ohingane, mi dhok gi le nokwaye kendo nonyone piny.

Isaya 58:12

“Nyithindu munywolo nochak oger kuonde ma nodong’ gundni mana ewi mise machon, mi noluongu ni, joger ohinga momukore, kendo ni, jolos udi mane okethi.”

Isaya 63:11

Bang’e ne giparo ndalo machon mi gipenjore niya, “Ere Nyasaye mane ogolo joge e aora Nael, ka Musa otelonigi? Adier, ere Jal mane oketo Roho mare kuomgi,

Isaya 65:9

Anami Jakobo nyikwayo ma noluw bang’e, kendo anami Juda jocham gikeni ma nikaw godena. Ee, joga moyier ma jotichna nokaw pinyno mi dagie.

Jeremia 18:9

To bende kapo ni awacho ni abiro pidho kendo gero oganda moro,

Jeremia 30:9

To ginitina, an Ruoth Nyasaye ma Nyasachgi, kendo giniti ni Daudi ma abiro keto mondo obed ruodhgi.

Jeremia 46:26

kachiwogi e lwet Nebukadnezar ruodh Babulon gi joge mag lweny ma dwaro negogi. To achien ji nodag e piny Misri kendo, kaka ne gisedak e kinde mokadho. An Ruoth Nyasaye ema awacho kamano.

Ywagruok 5:21

A Ruoth Nyasaye, duogwa iri mondo waduog iri. Yie mondo wabedi kaka ne wabet chon.

Ezekiel 17:24

Yien duto mae piny nong’e ni an Ruoth Nyasaye ema atong’o yien maraboche, to amiyo yien matindo dongo maboyo. Bende an ema amiyo yien mang’ich two, kendo amiyo yien motwo chako doko mang’ich. An Ruoth Nyasaye ema awacho kamano, kendo abiro timo gima asewacho.”

Ezekiel 36:11

Anami ji kaachiel gi jamni medre, kendo unubed mang’eny kaka ne un chon, mi ubed gi nyithindo mathoth. Unudag kuno kaka ne udak chon, mi ami udhi nyime maber moloyo. Eka unung’e ni an e Ruoth Nyasaye.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Obadia 1:17

“To jomoko modak e got Sayun biroo tony kuno, mi kanyono nobed kama ler, kendo joka Jakobo nokaw piny ma margi giwegi.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Mika 7:11

E ndalo gogo, un jo-Jerusalem unuchak uger ohingau, kendo unuyar tong’ pinyu,

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.

Mika 7:8

Yaye wasika, kik ogona siboi, nikech kata obedo ni asepodho, to abiro chung’ kendo. Kata obedo ni adak e mudho, to Ruoth Nyasaye nobedna ler.

Zekaria 12:7

An Ruoth Nyasaye nakuong miyo dhoudi duto mag Juda locho, mondo duong’ mar dhood Daudi kod jo-Jerusalem kik lo duong’ ma jo-Juda mamoko nigo.

Zekaria 14:10

Piny duto mokiewo gi Jerusalem nobed mopie ka pap, chakre Geba, kochomo milambo nyaka Rimon. Jerusalem to nosik koting’ore ating’a kama entie, chakre dhorangach miluongo ni Dhoranga Benjamin, nyaka dhorangach man yo kama ohinga ogomogo, kendo chakre kama oger mabor mar ng’icho mar Hananel nyaka kuonde mibiyoe mzabip ruoth. (Kuma ohinga ogomogo, chon ne nitie dhorangach moro.)

Zekaria 6:12

kiwachone niya, ‘Weche ma Ruoth Nyasaye Manyalo Gik Moko Duto owacho e magi: Jali e ng’at miluongo ni Badyath. Obiro dhi nyime maber, kodongo piyopiyo kama entie, kendo obiro gero Hekalu mar Ruoth Nyasaye.

Kwan 24:18

Obiro loyo piny Edom e lweny, mi okaw kendo jo-Seir ma wasike nobed mage. Jo-Israel biro timo timbe chir.