Amos 9:10 - MUMA MALER 2015

¹⁰ Joga duto ma joketho ibiro negi e lweny kata mana mago duto mawacho niya, ‘Nyasaye ok nowe masira chop kuomwa.’

Motingʼo Loko Manyien

¹⁰ Joga duto ma joketho ibiro nego gi ligangla, kata mana mago mawacho ni, ‘Masira ok noyudwa kata chopo kuomwa.’

Amos 9:10 ပူးပေါင်းရင်းမြစ်များ

Zaburi 10:11

Jaricho wacho e chunye niya, “Nyasaye ok dew. Bende osemiyo wengene, kendo ok obi nena.”

Eklesiastes 8:11

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

Isaya 33:14

Joricho modak Sayun biro tetni ka luoro omako. Adier, joma ok dew Nyasaye kihondko nomaki, mi ginipenjre niya, “Bende nitie ng’ato kuomwa manyalo dak gi mach mawang’o gik moko duto? Koso en ng’a ma didag gi mach maliel nyaka chieng’?”

Isaya 5:19

Uwacho niya, “Ruoth Nyasaye mondo oreti, otim tichne piyopiyo wane! Adier, gima Ng’ama Ler mar Israel ochano timo, mondo ochop piyopiyo waneye!”

Isaya 56:12

Ng’ato ka ng’ato kuomgi wacho niya, “Biuru wamany divai kod kong’o makech, mondo wamadh, wamer. Kiny bende nobed maber mana kama, kata moloyo ma.”

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 23:17

Gisiko ka giwacho ni ji motamore winjo wachna niya, ‘Gik moko duto biro dhinu maber.’ Bende giwacho ni joma wigi tek ni masira ok nomakgi.

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Ezekiel 20:38

Bende anagol kuomu joma jopiem, kendo maketho chikena. Anagolgi e pinje ma koro gidakie, to ok anayienigi giduogi e piny Israel. Eka unung’e ni kara an e Ruoth Nyasaye.

Amos 6:1

“Mano biro bedo wach marach manade kuom joma odak maber Sayun, kendo kuom joma ogeno ni gode mag Samaria nyalo resogi. Un joma dongo mag oganda maduong’ moloyo, ma joma jo-Israel dhi irgi mondo oyud konyruok,

Amos 6:3

Un joma ok odewo ni chieng’ bura biro, to urikni mana kutimo timbe mahundu!

Amos 9:8

Arango piny jo-Israel motimo richoni, kendo abiro tieke e wang’ piny. Kata kamano ok anatiek joka Jakobo duto te.

Mika 3:11

Jodong dala ng’ado bura maber mana ni joma miyogi asoya; jodolo bende lero tiend chik ni joma miyogi gimoro, kendo jonabi hulo gik ma gikoro mana ka omigi pesa. To eka pod gineno ni Ruoth Nyasaye biro konyogi! Giwacho niya, “Donge Ruoth Nyasaye ni kodwa? Omiyo onge masira moro mabiro makowa.”

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Malaki 3:15

Waneno ka joma josunga ema nigi mor. Joma timbegi richo dhi maber ahinya, to bende gitemo Nyasaye gi timbegi marichogo, to onge gima timogi.’ ”

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.