Amos 8:9 - MUMA MALER 2015

⁹ Ruoth Nyasaye wacho niya, “Chieng’no nami chieng’ podhi odiechieng’ tir, mi piny lokre mudho ka chieng rieny ha.

Motingʼo Loko Manyien

⁹ Jehova Nyasaye Manyalo Gik Moko Duto wacho niya, “Chiengʼno anami chiengʼ podhi e chuny odiechiengʼ tir, kendo anami piny lokre mudho godiechiengʼ.

Amos 8:9 ပူးပေါင်းရင်းမြစ်များ

Ayub 5:14

Piny othonigi mudho, kata mana godiechieng’ tir, kendo gimulo amula ka joma wuotho gotieno.

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 15:9

Dhako man gi yawuowi abiriyo opodho piny ka muche orumo, nikech yawuotego duto osenegi. Piny othone mudho ka wiye okuot, kendo chunye chandore. Abiro miyo wasigu neg jou ma pod odong’ ka ngima. An Ruoth Nyasaye ema awacho kamano.”

Ezekiel 32:7

Chieng’ ma atieki, to abiro miyo polo imore mi sulue ok norieny. Anaum wang’chieng’ gi boche polo, mi due bende ok norieny.

Amos 4:13

Nyasaye ema noloso gode, kendo ochueyo yamo. Onyiso dhano parone, bende oloko ler mar odiechieng’ bedo mudho. En e ruodh piny duto, kendo nyinge en Ruoth Nyasaye Manyalo Gik Moko Duto.

Amos 5:8

Ruoth Nyasaye ema nochueyo Yugni gi Ratego, kendo en ema omiyo piny ru kendo yuso. Oluongo pi nam mondo obi, kendo oologi e piny.

Mika 3:6

Kuom mano ok ginichak giyud fweny moro gotieno, kendo ok ginichak gibed gi teko mar koro wach. Ler ma gineno nolokre mudho, kendo wang’chieng’ biro podhonigi.

Zekaria 14:7

Otieno bende ok nobedie, to piny nosik mana odiechieng’ lilo, kendo kata ka piny olokore odhiambo to ler nosik asika. Ruoth Nyasaye kende ema ong’eyo ndalo ma gigo biro timoree.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mathayo 27:45

Piny duto notimo mudho, chakre sa auchiel nyaka sa ochiko,

Mariko 15:33

Kane sa auchiel ochopo, piny duto notimo mudho nyaka sa ochiko,

Luka 23:44

Koro ne en kar sa auchiel mar odiechieng’, to wang’chieng’ noimore, mi piny duto otimo mudho nyaka sa ochiko.

Fweny 6:12

Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.