Amos 8:5 - MUMA MALER 2015

⁵ Uwacho kendu uwegi niya, “Mad ndalo mag lemo mar due manyien rum piyo, mondo waus cham.” Bende upenjoru niya, “Ndalo mag Sabato biro rumo karang’o, mondo wagol chambwa warundi? Eka wanyalo keto nengo mamalo, kendo tiyo gi rapim ma ok ni kare mondo wawuondgo jong’iewo!

Motingʼo Loko Manyien

⁵ kuwacho niya, “Mad ndalo mag lemo mar dwe manyien rum piyo, mondo wayud thuolo mar uso cham.” Bende upenjoru niya, “Ndalo mag Sabato to biro rumo karangʼo mondo wagol chambwa warundi, eka wanyalo choro nengo malo, kendo tiyo gi rapim ma ok nikare, ma wawuondogo jongʼiewo!

Amos 8:5 ပူးပေါင်းရင်းမြစ်များ

2 Ruodhi 4:23

Chwore nopenje niya, “Ang’o momiyo idwaro dhi ire kawuono? Due pok opor, bende ok en chieng’ Sabato.” Nodwoke ni, “Adhi adhiya.”

Wuok 31:13

“Nyis jo-Israel kama, ‘Nyaka urit chieng’ Sabatona, nikech chieng’ yueyono en ranyisi manie kinda kodu kaachiel gi nyikwau nyaka chieng’, mondo ung’e ni an e Ruoth Nyasaye mopwodhou.

Ngeche 11:1

Ruoth Nyasaye mon gi joma pimo gik moko gi rapim ma ok ni kare, to rapim makare ema omorgo.

Ngeche 16:11

Ruoth Nyasaye dwaro ni rapim duto obed makare, kendo ni ohala duto oloki e yo makare.

Ngeche 20:23

Ruoth Nyasaye mon gi joma tiyo gi rapim ma ok ni kare.

Isaya 1:13

Gik muchiwona onge tich, kendo tikgi dwaro ng’oga! Bende sewni mutimo ka due opor, kendo mutimo e kinde mag Sabato, ojoga. Chokruok mutimo, gi ndalou mag tueyo chiemo kod sewni mamoko bende ok adwar.

Isaya 58:13

Ka urito chieng’ Sabato maler, ma ok utiyo tijeu uwegi, kendo ka ok utimo gik ma un ema udwaro chieng’no, to uhulo ni chieng’no en chieng’ mor, kendo chiengg’ mowal ni Ruoth Nyasaye, kendo umiyo Ruoth Nyasaye duong’ kuom weyoo loko ohala, kendo kuweyo weche manono,

Hosea 12:7

Ruoth Nyasaye wacho niya, “Jo-Israel bende jomganga mana ka jo-Kanaan. Gin gi rapim ma ok ni kare, kendo gihero wuondo jong’iewo.

Hosea 12:8

To eka giwacho niya, ‘Wamew, nimar waseyudo mwandu, kendo onge ng’ama nyalo wacho ni waseyudogi e yor miganga.’

Tim jo-Lawi 19:36

To nyaka ubed gi rapim makare mipimogo gik moko.

Zekaria 5:6

Ne apenje ni en ang’o, mi odwoka ni en atonga ma opong’ gi richo duto motim e piny ngima.

Zekaria 5:8

Malaika nowachona niya, “Dhakono e richo.” Eka ne odhiro dhakono, modwoko ei atonga, mi ochako oumo dhoge gi raum mapekno.

Malaki 1:13

Uwacho niya, ‘Mano kaka waol gi gik makamagi!’ Kendo utwenyona umu. To bende uchiwona jamni mokwal kata mong’ol kata matuo mondo otimnago misango. Uparo ni anyalo yie gi chiwo ma kamago?

Kwan 10:10

E kinde ma utimoe nyasi, gi ndalo moketi mutimoe sewni, kod chieng’ mokwongo mar due ka due, unugo tung’ kutimo misengni miwang’o pep, kod misengni mag sawo, mi tungego nomi Ruoth Nyasaye ma Nyasachu paru. An e Ruoth Nyasaye ma Nyasachu.”

Jo-Kolosai 2:16

Kuom mano, kik uwe ng’ato ketnu chik kuom gik ma uchamo kata gik mumadho, kata kuom wach sawo moro, kata kuom rito ndalo mag due mopor kata Sabato.

1 Samuel 20:5

Daudi nodwoke niya, “Kiny due nopor, kendo owinjore abed gi ruoth e chiemo. To we adhi apond e lek nyaka chop odhiambo mar chieng’ mar adek.