Amos 8:2 - MUMA MALER 2015

² Ruoth Nyasaye nopenja niya, “Amos, ineno ang’o?” Ne adwoke ni, “Aneno atonga moting’o olemo mochiek.” Eka ne Ruoth Nyasaye owachona niya, “Joga Israel bende ochiek ni yudo kum, kendo ok nachak awegi mak akumogi.

Motingʼo Loko Manyien

² Eka Jehova Nyasaye nopenja niya, “Amos, ineno angʼo?” Ne adwoke niya, “Aneno atonga mopongʼ gi olemo mochiek.” Eka Jehova Nyasaye nowachona niya, “Mano e kaka joga Israel oseikore ni kum kendo ok anawegi ma ok akumogi.”

Amos 8:2 ပူးပေါင်းရင်းမြစ်များ

Chakruok 6:13

Eka nowacho ni Nowa niya, “Asechano ni mondo atiek dhano. Abiro negogi duto, nikech piny opong’ gi timbegi maricho.

Isaya 28:4

mi duong’ne biro rumo ka maua moner, kata ka olemo mokwongo chiek, ma ng’ato ang’ata moneno, to pono chamo ka rikni.

Jeremia 40:10

An abiro dak Mizpa, kendo anabed jaoteu ka jo-Babulon obiro ka. To unyalo choko divai gi olemo kod mor zeituni mondo ukan, kendo udag e mier ma usekawo.”

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Ywagruok 4:18

Wasikwa manyo kuonde ma waluwo, omiyo ok wanyal wuotho e wang’ yore. Ndalowa orumo. Adier, chieng’ thowa osechopo.

Ezekiel 12:23

To nyisgi ni an Ruoth Nyasaye awacho kama: Abiro tieko ngerono chuth, mi ok nochak ogoye e Israel kendo. Bende nyisgi ni kinde osechopo ma gik moko duto mane okor biro timore adier!

Ezekiel 29:8

Emomiyo an Ruoth Nyasaye anyisi in Farao ni abiro kelo ji mondo omonji, kendo gibiro nego jogi, kaachiel gi jambi duto.

Ezekiel 3:10

Nyasaye ne odhi nyime kawachona niya, “In wuod dhano, chik iti maber ahinya mondo ipar weche duto ma abiro wachoni.

Ezekiel 3:7

To jo-Israel ok bi chiko itgi mondo owinj gima iwacho, nikech an bende ne gitamore winjo wachna. Giduto gin jopiem, kendo wigi tek.

Ezekiel 7:6

Gik moko duto orumo! Giko osechopo! Adier, osepoyou, mi urumo!

Ezekiel 8:12

Ruoth Nyasaye nopenja niya, “Wuod dhano, bende ineno gik ma jodong Israel timo kama opondo kae? Ng’ato ka ng’ato lemo mana e od nyasache manono. Giwuondore niya, ‘Ruoth Nyasaye ok newa! Osejwango pinyni.’ ”

Ezekiel 8:17

Ruoth Nyasaye nopenja niya, “Wuod dhano, donge ineno mano? Timbe makuero ma isenenogo pok oromo jo-Judagi koso, ma pod gimedoe mana pong’o piny gi timbe mahunduni, ka gimedo miyago mirima? Neye kaka giyanya marach moloyo!

Ezekiel 8:6

Ruoth Nyasaye nomedo wachona niya, “Wuod dhano, bende ineno gik makuero ma jo-Israel timo mondo oriemba adhi mabor gi Hekalu mara? To pod ibiro mana neno gik maricho moloyo mago!”

Hosea 9:7

Kinde mar kum osechopo ma ng’ato ka ng’ato yudoe gima oromo gi timbene, kendo jo-Israel biro winjo! Uwacho niya, “Jonabi ofuwo! En janeko!” Un uchaya ahinya nikech richou lich.

Amos 7:8

Eka Ruoth Nyasaye nopenja niya, “Amos, ang’o minenono?” Ne adwoke niya, “Aneno tol mar rapim.” Ruoth Nyasaye nowacho niya, “Apimo chuny joga Israel gi rapim, mana kaka ng’ama pimo kor ot, kendo ok nachak awenigi ngang’.

Amos 8:1

Ruoth Nyasaye nokelona fweny machielo, mi anenoe atonga moting’o olemo.

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Zekaria 5:2

Eka malaika cha nopenja niya, “Ineno ang’o?” Ne adwoke ni “Aneno kalatas moban kahuyo. Borne oromo mita apar, to lachne mita abich.”