Amos 8:14 - MUMA MALER 2015

¹⁴ Ji duto makuong’ore gi nying Ashima, ma Nyasaye madhako mar Samaria, kata makuong’ore gi nyasach Dan, kendo gi nyasach Beer-sheba, nopodh chuth, kendo ok nochak oa malo.”

Motingʼo Loko Manyien

¹⁴ Ji duto makwongʼore gi nying Ashima, ma nyasaye madhako mar Samaria, kata makwongʼore gi nyasach Dan, kendo gi nyasach Bersheba, nopodh chuth, ma ok ginichak gia malo.”

Amos 8:14 ပူးပေါင်းရင်းမြစ်များ

1 Ruodhi 12:32

Jeroboam nogolo chik mondo otim sawo due apar gabich, due mar aboro, machal gi sawo mane jo-Juda timo, kendo notimo misango ni nyiruedhi mane oloso Bethel. Nogolo jodolo matiyo e hembko mane oseloso, moketo Bethel.

1 Ruodhi 14:16

Enojwang’ jo-Israel nikech richo Jeroboam, mane omiyo jo-Isarel bende otimo.”

1 Ruodhi 16:24

eka bang’e nong’iewo got Samaria kuom Shemer gi fedha, ma dirom kilo piero abiriyo kendo nochielo godno gi ohinga, mochake ni Samaria, machal gi nying Shemer, ma wuon godno.

2 Ruodhi 10:29

Kata kamano, ne ok oweyo timo timbe maricho mane Jeroboam wuod Nebat omiyo jo-Israel otimo, nimar ji ne pod lamo nyiroye mag dhahabu mane ni Bethel gi mane ni Dan.

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Zaburi 140:10

Onego mirni mag mach maliel makwar wang’gi, mondo kik giwuog oko kendo.

Zaburi 36:12

Neye kaka joricho opodho! Ogogi piny kanyo, kendo ok ginyal chung’.

Ngeche 24:16

Ng’at makare nyalo podho ndalo mang’eny, to pod ochako ochung’ achung’a kendo. Jaricho to masira achiel kende ema tieko.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 24:20

Adier, piny notagre mana ka ng’at momer, kendo noukni mana ka kiru ma yamo yiengo. Nopodhi, to ok nochak ochung’ kendo, nimar richo ji ohinge gi pek.

Isaya 43:17

Bende ne amiyo geche lweny kod farese odonjo kuno, kaachiel gi oganda lweny maratego, mong’ielore piny, ma ok nyal chako chung’ kendo. Adier, ne githo mana ka taya mosim. Koro awachonu niya,

Jeremia 25:27

Eka Ruoth Nyasaye nowachona niya, “Nyis ji ni an Ruoth Nyasaye Manyalo Gik Moko Duto kendo Nyasach Israel, achikogi mondo gimethi, mi gimer kendo ging’ogi nyaka gipodh piny ma ok ginyal kata chung’, nikech lweny ma abiro kelonigi.

Jeremia 51:64

Bang’ mano iwach niya, ‘Mano e gima biro timore ni Babulon. Kaka kidini onyumore e pi, e kaka Babulon bende nonyumre e masira ma Ruoth Nyasaye biro kelo kuome, mi ok nochak owuog kendo.’ ” Mano e giko weche Jeremia.

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Hosea 13:16

Jo-Israel nyaka yud kum kuom kethogi, nimar gisepiem gi Nyasachgi. Gibiro tho e lweny kendo nyithindgi nochwad piny, mi ried iye mondgi mayach.”

Hosea 13:2

To eka pod gimedo timo atima richo, kendo giloso kido mag fedha mondo gilam. Gikawo fedha ma gin-go, kendo gilosogo kido manono, ma dhano ema oparo, moloso gi lwete owuon. To bang’e giwacho niya, “Timnigiuru misengni.” To ere kaka ji nyalo nyodho kido manonogo, mana kido molos e kit rwath?

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Amos 5:1

Chikuru itu un jo-Israel mondo uwinj wend ywak ma achuogonu.

Amos 5:2

“Oganda Israel osepodho, to ok nochak oa malo. Opodho piny auma e lope owuon, kendo onge ng’ama ochunge.”

Amos 5:5

“Kudwaro bedo mangima, to duoguru ira. To kik udhi Bethel, kata kik udhi Gilgal, bende kik ukadh nyaka Beer-sheba, nimar jo-Gilgal ibiro daro mi ter e tuech, kendo Bethel biro lal nono.”

Mika 1:5

Mago duto biro timore nikech jo-Israel oseketho, mi oweyo Nyasaye. Ere joma omiyo jo-Israel oweyo Nyasaye kamano? Gin mana jo-Samaria! Koso ere joma timo richo mar lamo nyiseche manono e piny Juda? Donge gin mana jo-Jerusalem?

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Tich Joote 18:25

Nosepuonjore wach Yor Ruoth, kendo nopuonjo wach Yesu kare koketo chunye. To kata kamano, nong’eyo mana batiso mar Johana kende.

Tich Joote 19:23

E ndalogo, ne nitie koko maduong’ Efeso kuom wach Yor Ruoth.

Tich Joote 19:9

To moko kuomgi chunygi ne tek modagi yie, kendo oloso marach kuom Yor Kristo e nyim chokruok duro. Kuom mano, Paulo noweyogi mokawo jopuonjre odhigo, to nowuoyo kodgi pilepile e od somo mar ng’at moro ma nyinge Turano.

Tich Joote 24:14

To gimoro achiel ma anyalo yie, en ni alamo Nyasach kwerewa kaluwore gi Yor Ruoth ma giluongo ni kanyaklano, ka ayie gi weche duto mondik e Chik Musa, kendo e kitepe mag Jonabi.

Tich Joote 9:2

mokwaye mondo ondik barua ni jodong ut lemo man Damaski, mamiye teko mar mako chwo gi mon ma oyudo kaluwo yor Ruoth, oter Jerusalem kotue.

Rapar mar Chik 33:11

A Ruoth Nyasaye, guedh riekogi duto, kendo iyie gi tichgi. Tiek wasikgi duto, mondo wasikgigo kik chak bed gi teko.”

Rapar mar Chik 9:21

Eka nakawo gima nukethogo, ma en kido mar nyaroya mane uloso, mi awang’o e mach. Ne atoye matindotindo mi arege, molokore buru, kendo nakawo buruno makiro e aora mamol koa e got.